ގުޅިފަޅު ކައިރީގައި ދެ ލޯންޗު ޖެހި ހިނގި އެކްސިޑެންޓުގައި ހަތަރު މީހަކަށް އަނިޔާވެއްޖެ

ގުޅިފަޅު ކައިރީގައި ދެ ލޯންޗު ޖެހި ހިނގި އެކްސިޑެންޓެއްގައި ހަތަރު މީހަކަށް އަނިޔާވެ، ހޮސްޕިޓަލުގައި ފަރުވާދޭން ފަށައިފި އެވެ.

ފުލުހުން މަޢުލޫމާތު ދިން ގޮތުގައި މި އެކްސިޑެންޓު ހިނގާފައިވަނީ މިރޭ 7:34 ހާއިރު އެވެ.

އަނިޔާވި މީހުން އިންދިރާ ގާންދީ މެމޯރިއަލް ހޮސްޕިޓަލަށް ގެންގޮސް ފަރުވާދެމުންދާ ކަމަށް ފުލުހުން މަޢުލޫމާތު ދިން ނަމަވެސް، އެކަމާ ގުޅޭ އިތުރު ތަފްސީލެއް ހާމަކޮށްފައެއް ނުވެ އެވެ. މި ވަގުތު އެކްސިޑެންޓު ހިނގި ސަރަހައްދުގައި ފުލުހުން ދަނީ ހަރަކާތްތެރިވަމުންނެވެ.

ސޯޝަލް މީޑިއާގައި ދައުރުވަމުންދާ ބައެއް ފޮޓޯތަކުން ދައްކާ ގޮތުގައި މި އެކްސިޑެންޓުގައި ދެ ލޯންޗަށް ވެސް ބޮޑެތި ގެއްލުންތަކެއް ވަނީ ލިބިފަ އެވެ. ލޯންޗުގެ ކުރީކޮޅާއި ފަސިންޖަރުން ތިބޭ ދިމާލުގެ ކުޑަދޮރުތަކާ އެކު ބޮޑު ބައެއް ވަނީ މުޅިން ހަލާކުވެފައިވާ މަންޒަރު ފެންނަން އެބަހުއްޓެވެ.