ކެޕްޓަން މޮޑްރިޗް ހާއްސަ ރެކޯޑާއި އެކު ރެއާލަށް މޮޅެއް

ަ އަހަރުން ފެށިގެންނެވެ. މޮޑްރިޗް ރޭގެ މެޗުގައި ކުޅުނުއިރު، ޕުސްކަސް ރެކޯޑް ހެދި އުމުރަށް ވުރެ ހަތަރު ދުވަސް އިތުރެވެ.

މި މެޗުން މޮޅުވެ، ރެއާލް ވަނީ ލީގުގެ އެއް ވަނައިގައި އޮތް ބާސެލޯނާއާ ޕޮއިންޓުގެ ގޮތުން އެއްވަރުކޮށްފަ އެެވެ. ބާސެލޯނާ އަށް ނުވަ މެޗުން 24 ޕޮއިންޓް ލިބިފައިވާއިރު، ރެއާލުން މި ވަނީ 10 މެޗުން 24 ޕޮއިންޓް ހޯދައިފަ އެވެ. ބާސެލޯނާ އިން މިރޭ ސެވިއްޔާއާ ކުޅޭ މެޗުން މޮޅުވެއްޖެނަމަ، ތިން ޕޮއިންޓުގެ ލީޑެއް ލިބޭނެ އެވެ.

ރޭގެ މެޗުގައި ރެއާލުން ލީޑުނެގީ މެޗުގެ 20 ވަނަ މިނިޓްގައި، އޭރިއާބޭރުން ކީލިއަން އެމްބާޕޭ ޖެހި ގޯލަކުންނެވެ. ސެލްޓެލްޓަ އިން އެއްވަރުކުރީ މެޗުގެ 51 ވަނަ މިނިޓްގަ އެވެ. މިއީ، އޮސްކާ މިންގޭޒާ ނެގި ހުރަހަކުން ވިލޮޓް ސްވެޑްބާގް ޖެހި ގޯލެކެވެ. މެޗުގެ 66 ވަނަ މިނިޓްގައި ރެއާލް މޮޅުވި ގޯލު ޖެހީ ވިނީޝިއުސް ޖޫނިއާ އެވެ. މި ގޯލު ޖަހަން ފުރުސަތު ހޯދައިދިނީ މޮޑްރިޗް އެވެ.

ރެއާލްގެ ކޯޗު ކާލޯ އަންޗެލޮޓީ ބުނީ މިއީ ވަރަށް އުނދަގުލުން ހޯދުނު މޮޅެއް ކަމަށާއި އޮތް އިތުބާރަކީ މޮޑްރިޗްގެ ތަޖުރިބާގެ އެހީގައި ކޮންމެ ވެސް ފުރުސަތެއް ތަނަވަސްކޮށް ގޯލެއް ޖެހުން ކަމަށެވެ.