ރައީސްގެ އިންޑިޔާ ދަތުރުގެ ސަބަބުން ދެ ޤައުމުގެ ގުޅުން އިތުރަށް ބަދަހިވާނެ - ޤާސިމް

---

ރައީސް، ޑރ. މުހައްމަދު މުއިއްޒު އިންޑިއާއަށް ކުރައްވާ ރަސްމީ ދަތުރުފުޅު ވެގެން ދާނީ ދެގައުމުގެ ދެމެދުގައި އޮންނަ ގުޅުން އިތުރަށް ބަދަހިކުރަން ލިބޭނެ ވަރަށް މުހިންމު ފުރުސަތެއް ކަމަށް ޖުމްހޫރީ ޕާޓީގެ ލީޑަރު، އަދި މާމިގިލި ދާއިރާގެ މެމްބަރު، ޤާސިމް އިބްރާހިމް ވިދާޅުވެއްޖެއެވެ.

ރައީސް، މުއިއްޒު އިންޑިއާއަށް އިއްޔެ ވަޑައިގަތީ އިންޑިއާ ސަރުކާރުގެ ހާއްސަ ދައުވަތެއްގައެވެ.

މި ދަތުރުފުޅާއި ގުޅިގެން "އެކްސް"ގައި ކުރެއްވި ޕޯސްޓެއްގައި ޤާސިމް ވިދާޅުވީ، ރައީސް އިންޑިއާ ކުރައްވާ ދަތުރުފުޅުން އުންމީދީ އަދި އުފާވެރި ދުވަސްތަކެއް ކުރިއަށް އެބަ އޮތް ކަމަށެވެ.

މި ދަތުރުފުޅުގައި އެގައުމުގެ ބޮޑުވަޒީރު، ނަރެންދްރަ މޯދީއާއި ބައްދަލުކުރައްވާއިރު، ދަތުރު ވެގެންދާނީ އިންޑިއާއާއި ރާއްޖެއާއި ދެމެދުގައި އޮތް ގުޅުން އިތުރަށް ބަދަހިކުރުމަށް ލިބޭ ވަރަށް މުހިންމު ފުރުސަތެއް ކަމަށެވެ

މިއަދު ރައީސް މުއިއްޒު މޯދީއާ ބައްދަލުކުރައްވަން ހަމަޖެހިފައިވާއިރު، ދެ ގައުމުގެ ދެމެދުގައި ފަސް އެއްބަސްވުމެއްގައި ސޮއި ކުރުމަށް ހަމަޖެހިފައިވެއެވެ. އަދި އިންޑިއާގެ އެހީގައި ހިންގި ބައެއް މަޝްރޫއުތައް ނިމުން ފާހަގަކުރުމާއި އާ ބައެއް މަޝްރޫއުތައް އިފްތިތާހުކުރުން އޮންނާނެއެވެ.

ޤާޞިމް އިބްރާޙިމް