ރެއާލް މެޑްރިޑް މޮޅުވިއިރު ޑިފެންޑަރު ކާވަހާލްއަށް އަނިޔާވެއްޖެ

ސްޕެނިޝް ލީގުގައި ރެއާލް މެޑްރިޑާއި، ވިލެރެއާލް ބައްދަލުކުރި މެޗުން 2-0 ގެ ނަތީޖާއަކުން ރެއާލް މެޑްރިޑް މޮޅުވިއިރު ނަތީޖާއަކުން މޮޅުވި އިރު، އެ ޓީމުގެ މުހިންމު ޑިފެންޑަރު ޑެނީ ކާވަހާލްއަށް އަނިޔާވެއްޖެއެވެ.

ރޭގެ މެޗުގެ ފުރަތަމަ ގޯލު ކާމިޔާބުކޮށްދިނީ ފެޑެރިކޯ ވަލްވާޑޭ އެވެ. ދެވަނަ ހާފުގައި ވިނީޝިއަސް ޖޫނިއާ ވަނީ ޓީމުގެ ދެވަނަ ގޯލު ޖަހާފައެވެ. މި ނަތީޖާއާއެކު ރެއާލް މެޑްރިޑް ވަނީ ލަލީގާގައި މިހާތަނަށް ކުޅުނު ނުވަ މެޗުން ބަލިނުވެ ހިފަހައްޓާފައެވެ.

މެޗުގެ އިތުރު ވަގުތުގައި ކާވަހާލްގެ ކަކުލަށް ލިބުނު އަނިޔާއަކާ ގުޅިގެން އޭނާ ވަނީ އަށިގަނޑުގައި ދަނޑުން ބޭރުކުރަން ޖެހިފައެވެ. މި އަނިޔާގެ ސަބަބުން ކުރިއަށް އޮތް މުހިންމު މެޗުތަކުގައި ކާވަހާލްއަށް ކުޅެވޭގޮތް ނުވެއްޖެ ނަމަ އެކަން ވެގެންދާނީ ރެއާލް މެޑްރިޑްއަށް ލިބިގެންދާ  ބޮޑު ގެއްލުމަކަށެވެ.

ރޭގެ މި ނަތީޖާއާއި އެކު ރެއާލް މެޑްރިޑް ވަނީ ލީގުގެ ޕޮއިންޓް ތާވަލުގެ އެއްވަނަ މަގާމުގައި ހަމަޖެހިލައިފައެވެ.