ކުރިއަށް އޮތް 5 ދުވަހު ވެސް ރާއްޖޭގެ އެކި ހިސާބުތަކަށް ވިއްސާރަވެ، ވައިގަދަވާނެ

ކުރިއަށް އޮތް 5 ދުވަހުވެސް ރާއްޖޭގެ އެކި ހިސާބުތަކަށް ވިއްސާރަވެ، ވައިގަދަވާނެ ކަމަށް މޫސުމާ ބެހޭ ޤައުމީ އިދާރާއިން ވިދާޅުވެއްޖެއެވެ.

ރާއްޖޭގެ މޫސުމާ ބެހޭ ޤައުމީ އިދާރާއިން ވިދާޅުވެފައިވާ ގޮތުގައި އެންމެ ބޮޑަށް ވިއްސާރަ ކުރާނީ މެދުރާއްޖެތެރެ އާއި ދެކުނުގެ އަތޮޅުތަކަށެވެ.

ކުރިއަށް އޮތް ދުވަސްތަކުގައި ވައިގަދަވެ، ކަނޑުގަދަވާނެތީ ހުރިހާ އެންމެންވެސް މޫސުމަށް ސަމާލުކަން ދިނުމަށް މޫސުމާ ބެހޭ ޤައުމީ އިދާރާއިން ވަނީ އިލްތިމާސްކުރައްވާފައެވެ.

މާލެ ސަރަހައްދަށް ރޭ ވެސް ބޯކޮށް ވާރޭވެހިފައިވާއިރު މޫސުމާ ބެހޭ ޤައުމީ އިދާރާއިން ވަނީ ކ. އަތޮޅުން ފެށިގެން ލ. އަތޮޅަށް މިރޭގެ 2 ޖެހުމާއި ހަމައަށް ވައިޓް އެލާޓް ނެރެފައެވެ.

ރާއްޖެއަށް އެކި ހިސާބުތަކަށް އެކިއެކި ދުވަސްތައް މަތިން މޫސުން ގޯސްވަމުން އަންނައިރު އަދިވެސް ކުރަމުންއެދަނީ ހުޅަނގު މޫސުމުގެ ވިއްސާރަކަމަށް މޫސުމާ ބެހޭ ގައުމީ އިދާރާއިން ހާމަކުރައްވައެވެ.

ކޮންމެ އަހަރެއްގެވެސް މި ދުވަސްވަރަކީ ރާއްޖޭގައި އާންމުކޮށް މޫސުން ގޯސްވެ، ވިއްސާރަވާ މޫސުމެކެވެ.