ގަވާއިދާ ޚިލާފަށް އުޅުނު 30 ބިދޭސީން ޑީޕޯޓްކޮށްފި

ބިދޭސީން ޑީޕޯޓްކުރުން

ރާއްޖޭގައި ގަވާއިދާ ޚިލާފަށް އުޅުނު 30 ބިދޭސީއަކު އިއްޔެ ޑީޕޯޓްކޮށްފިއެވެ.

މިކަން ހާމަކޮށްފައިވަނީ މޯލްޑިވްސް އިމިގްރޭޝަނުން މިރޭ އެކްސްގައި ކުރި ޕޯސްޓެއްގައެވެ.

އިމިގްރޭޝަނުން ބުނާ ގޮތުގައި މިއީ ގަވާއިދާ ޚިލާފަށް ރާއްޖޭގައި އުޅޭ ބިދޭސީން ހުއްޓުވުމަށް ކުރަމުން އަންނަ މަސައްކަތުގެ ދަށުން އެޅި ފިޔަވަޅެކެވެ. އަދި މިއީ އިމިގްރޭޝަންގެ ގާނޫނު ތަންފީޒު ކުރާކަން ކަށަވަރު ކުރުމަށްޓަކައި މެދުނުކެނޑި ކުރަމުން އަންނަ މަސައްކަތުގެ ބައެއް ކަމަށްވެސް އެ އިދާރާއިން ބުނެފައިވެއެވެ.

އިމިގްރޭޝަންގެ އޮފިޝަލަކު ވިދާޅުވި ގޮތުގައި އިއްޔެ ޑީޕޯޓްކުރެވުނު ބިދޭސީންގެ ތެރޭގައި ބަންގްލަދޭޝް، ސްރީލަންކާ، އިންޑިއާ އަދި ނޭޕާލަށް ނިސްބަތްވާ މީހުން ހިމެނެއެވެ.

އިމިގްރޭޝަނުން ވަނީ ރާއްޖޭގައި ދިރިއުޅޭ ހުރިހާ ބިދޭސީ މަސައްކަތްތެރިންނަށް ގާނޫނާއި ގަވާއިދުތަކަށް ތަބާވުމަށް އިލްތިމާސްކޮށްފައެވެ. އަދި މިހާތަނަށް ކުރިއަށް ގެންދެވުނު އޮޕަރޭޝަންތަކުގައި އަތުލައިގަނެވުނު ބިދޭސީންގެ ތެރެއިން 3،000 އަށް ވުރެ ގިނަ މީހުން މިހާރު ވަނީ ޑީޕޯޓްކޮށްފައި ކަމަށް އެ އިދާރާއިން ކުރިން ހާމަކޮށްފައިވެއެވެ.

ރައީސް ޑރ. މުހައްމަދު މުއިއްޒުގެ އިރުޝާދުގެ ދަށުން، ރާއްޖޭގައި ގަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލުކުރުމަށް އިމިގްރޭޝަނުން ދަނީ ބިދޭސީން ދިރިއުޅޭ ތަންތަނާއި މަސައްކަތްކުރާ ތަންތަން ބަލައި ފާސްކުރަމުންނެވެ.

އިމިގްރޭޝަން ބިދޭސީން