މެން ސިޓީ އަށް ޕޮއިންޓު ގެއްލި، އިންޓަ އާ އެއްވަރުވެއްޖެ

ޔުއެފާ ޗެމްޕިއަންސް ލީގުގެ ގްރޫޕް ސްޓޭޖުގައި މެންޗެސްޓަރ ސިޓީ އަށް ފަސް އަހަރު ތެރޭ ފުރަތަމަ ފަހަރަށް އަމިއްލަ ދަނޑުގައި ޕޮއިންޓު ގެއްލިއްޖެ އެވެ.

އިއްތިހާދު ސްޓޭޑިއަމްގައި ރޭ ކުޅުނު މެޗުގައި  ސިޓީއަށް ޕޮއިންޓު ގެއްލިފައި ވަނީ  އިންޓަ މިލާނާ އާ ދެކޮޅަށް ކުޅުނު މެޗު 0-0 އިން އެއްވަރުވުމުގެ ސަބަބުންނެވެ.

މިދިޔަ އަހަރުގެ ޗެމްޕިއަންސް ލީގު ފައިނަލުގައި އިންޓަ އަތުން 1-0 އިން މޮޅުވެ ޗެމްޕިއަންކަން ހޯދި ސިޓީން މި މެޗުގައި 22 ޝޮޓް ފޮނުވާލި ނަމަވެސް ގޯލެއް ޖެހޭގޮތެއް ނުވި އެވެ. އާލިން ހާލަންޑް، ފިލް ފޯޑެން އަދި އިލްކާއި ގުންޑޮގާން އަށް ރަނގަޅު ފުރުސަތުތަކެއް ލިބުނު ނަމަވެސް އިންޓަގެ ގޯލްކީޕަރު ޔަން ސޮމާ ވަނީ ފޫހަރުކޮށްފަ އެވެ.

މިއީ މިދިޔަ ދެ އަހަރާއި ބައި ތެރޭ، ސިޓީން އަމިއްލަ ދަނޑުގައި ކުޅުނު މެޗެއްގައި ލަނޑެއް ނުޖެހި ނިންމާލަން ޖެހުނު ފުރަތަމަ ފަހަރެވެ. އަދި ޗެމްޕިއަންސް ލީގުގެ ގްރޫޕް ސްޓޭޖުގައި 40 މެޗަށް ފަހު ސިޓީން މި ވަނީ އަމިއްލަ ދަނޑުގައި ލަނޑެއް ނުޖެހި މެޗެއް ނިންމާލަން ޖެހިފަ އެވެ.

މި މެޗާއެކު، ސިޓީީ އަށް ވަނީ ގްރޫޕް ސްޓޭޖުގެ ފުރަތަމަ މެޗުން އެެއް ޕޮއިންޓު ލިބިފަ އެވެ. އަދި އިންޓަ އަށް ވެސް ވަނީ އެއް ޕޮއިންޓު ލިބިފަ އެވެ.