ޕްރޮސެކިއުޓަރ ޖެނެރަލްގެ މަޤާމަށް ތިން ބޭފުޅަކު ކުރިމަތިލައްވައިފި

ޕީޖީގެ މަޤާމަށް ކުރިމަތިލެއްވި ތިން ބޭފުޅުން

ޕްރޮސެކިއުޓަރ ޖެނެރަލްގެ މަޤާމަށް ކުރިމަތިލުމަށް ހުޅުވާލި މުއްދަތު މިއަދު މެންދުރު 12:00 ގައި ހަމަވިއިރު، ޤާނޫނީ ދާއިރާގެ ތަޖުރިބާކާރު ތިން ބޭފުޅަކު އެ މަޤާމަށް ކުރިމަތިލައްވާފައިވާ ކަމަށް އެނގިއްޖެއެވެ.

މި މަޤާމަށް ކުރިމަތިލައްވާފައިވަނީ ރައީސް އޮފީހުގެ ލީގަލް ސެކްރެޓަރީ އައްބާސް ޝަރީފް، ކްރިމިނަލް ކޯޓުގެ ކުރީގެ އިސްޤާޟީ އަޙްމަދު ހައިލަމް، އަދި ކުރީގެ ޑެޕިއުޓީ ޕްރޮސެކިއުޓަރ ޖެނެރަލް މަރިޔަމް ނިހާޔަތެވެ.

ޕްރޮސެކިއުޓަރ ޖެނެރަލްގެ މަޤާމު ހުސްވީ ކުރިން އެ މަޤާމުގައި ހުންނެވި ޙުސައިން ޝަމީމް ވޭތުވެދިޔަ މަހުގެ 22 ވަނަ ދުވަހު މަޖިލީހުން ވަކިކުރެއްވުމާ ގުޅިގެންނެވެ. ޤާނޫނުގައިވާ ގޮތުން މަޤާމު ހުސްވާތާ 30 ދުވަހުގެ ތެރޭގައި އާ ޕްރޮސެކިއުޓަރ ޖެނެރަލެއް އައްޔަންކުރަންޖެހެއެވެ.

މި މަޤާމަށް މީހަކު އައްޔަންކުރުމަށް ރައްޔިތުންގެ މަޖިލީހުގެ ރުހުން ހޯދުމަށް، ދައުރުން ބޭރު ޖަލްސާއެއް މިރޭ ބޭއްވުމަށް ވަނީ ހަމަޖެހިފައެވެ.

ޕީޖީ