ރައީސް މުއިއްޒުގެ ކެބިނެޓް ބައްދަލުވުމެއް ކުރިއަށް ދަނީ / ފޮޓޯ:ރައީސް އޮފީސް
ސަރުކާރުގެ ތިން ކުންފުނި އެއްކޮށްލުމާއި އިންވެސްޓަރުންނަށް ދިރިއުޅުމުގެ ވިސާ ދިނުމާ ގުޅޭ ގޮތުން މިއަދު ކެބިނެޓުގައި މަޝްވަރާކުރަން ނިންމާފައިވާކަމަށް ރައީސުލްޖުމުހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
އެމަނިކުފާނު މިފަދައިން ވިދާޅުވެފައި ވަނީ ރައީސް އޮފީހުގެ ސޯޝަލް މީޑިއާ ޗެނަލްތަކުން މިއަދު އާންމުކުރި ރައީސްގެ ވީޑިއޯ މެސެޖެއްގައެވެ.
ކުންފުނިތައް އެއްކޮށްލުމުގެ ތެރޭގައި ހިމެނެނީ ރީޖަނަލް އެއާޕޯޓްސް ކުންފުނި އެމްއޭސީއެލްގެ ދަށަށް ގެނައުމާއި، ބީސީސީ އާއި ފަންޑް މެނޭޖްމަންޓް ކޯޕަރޭޝަން އެއްކޮށްލުމާއި، އަދި އެފްޑީސީ އެޗްޑީސީގެ ދަށަށް ބަދަލުކުރުމެވެ. ރައީސް ވިދާޅުވީ މި ބަދަލުތަކުން ރައްޔިތުންނަށް ގިނަ ފައިދާތަކެއް ކުރާނެ ކަމަށެވެ.
އިންވެސްޓަރ ރެސިޑެންސީ ވިސާ ޕްރޮގްރާމަކީ ރާއްޖޭގައި ވަކި މިންވަރަކަށް އިންވެސްޓްކުރާ ފަރާތްތަކަށް ދިރިއުޅުމުގެ ދާއިމީ ވިސާ ދޭ ޕްރޮގްރާމެކެވެ. ރައީސް ވިދާޅުވި ގޮތުގައި މިފަދަ ޕްރޮގްރާމަކުން އިޤްތިޞާދު ސިންދަފާތުވެ، ރާއްޖޭގެ ތަރައްޤީއަށް މުހިންމު ބަދަލުތަކެއް އަންނާނެއެވެ.
މި ބަދަލުތަކަކީ ރާއްޖޭގެ އިޤްތިޞާދީ ސިޔާސަތުތަކަށް ގެންނަ މުހިންމު ބަދަލުތަކެއް ކަމަށްވާތީ، މީގެ ނަތީޖާ ރައްޔިތުންނަށް ކުރިމަގުގައި ފެންނާނެ ކަމަށް ބެލެވެއެވެ.
ކޮމެންޓް