ހަށިވިއްކުމުގެ ވިޔަފާރި ކުރަމުންދިޔަ ބިދޭސީންތަކެއް ޑީޕޯޓްކޮށްލައިފި

ހަށިވިއްކުމުގެ ވިޔަފާރިކުރި މައްސަލާގައި ޑީޕޯޓްކޮށްލި ހަތަރު މީހުން / ފޮޓޯ:އިމިގްރޭޝަން

ރާއްޖޭގައި ފުޅާ ދާއިރާއެއްގައި ހަށިވިއްކުމުގެ ވިޔަފާރި ކުރަމުންދިޔަ ބިދޭސީންތަކެއް ޑީޕޯޓްކޮށްލައިފިއެވެ.

މި މީހުން ހޯދާފައިވަނީ މި މަހުގެ 11 ވަނަ ދުވަހު ފުލުހުންގެ އިންޓެލިޖެންސަށް ލިބުނު މަޢުލޫމާތަކާ ގުޅިގެން ހިންގި ޚާއްޞަ އޮޕަރޭޝަނެއްގެ ތެރެއިންނެވެ.

އިމިގްރޭޝަނުން މިއަދު ހާމަކުރި ގޮތުގައި މި އޮޕަރޭޝަނުގެ ތެރެއިން އިމިގްރޭޝަނުގެ ބެލުމުގެ ދަށަށް ގެނެވުނީ ހަތަރު ބިދޭސީންނެވެ. އޭގެ ތެރޭގައި ހިމެނެނީ ހަށިވިއްކުމުގައި ޢަމަލީގޮތުން އުޅުނު ތިން ބިދޭސީ އަންހެނުންނާއި، އެ މީހުންގެ އޭޖެންޓުގެ ގޮތުގައި މަސައްކަތްކުރަމުންދިޔަ ބިދޭސީ ފިރިހެނެކެވެ.

އިމިގްރޭޝަނުން އިތުރަށް ބުނިގޮތުގައި މި ހަތަރު މީހުން ވެސް މިހާރު ވަނީ ރާއްޖެ އަނބުރާ ނާދެވޭގޮތަށް ޑީޕޯޓްކޮށްފައެވެ. އޭގެ ތެރެއިން ތިން އަންހެނުން ޑީޕޯޓްކޮށްލާފައިވަނީ މިދިޔަ ހަފްތާގެ ތެރޭގައެވެ. އަދި އޭޖެންޓުގެ ގޮތުގައި ހަރަކާތްތެރިވި ފިރިހެން މީހާ ޑީޕޯޓްކޮށްލީ އާދީއްތަ ދުވަހުއެވެ.

މި ޙާދިސާއިން ދޭހަވަނީ ރާއްޖޭގައި ހަށިވިއްކުމުގެ ވިޔަފާރި ހިންގުމަކީ ޤާނޫނާ ޚިލާފު ކަމެއްކަމާއި، އެފަދަ ޢަމަލުތަކުގައި ބައިވެރިވާ ބިދޭސީން ޑީޕޯޓްކުރެވޭނެކަމެވެ. އަދި މިފަދަ ޣައިރު ޤާނޫނީ ޙަރަކާތްތައް ހުއްޓުވުމަށް ސަރުކާރުން މަސައްކަތްކުރަމުންދާކަން ވެސް މި ޙާދިސާއިން ސާފުވެއެވެ.

އިމިގްރޭޝަން އިމިގްރޭޝަން