ފަވަރަގެ ހިދުމަތަށް އަހަރެއް ފުރުނުއިރު 15 ބިލިއަން ރުފިޔާގެ މުއާމަލާތް ކޮށްފި

އެމްއެމްއޭ: ފަވަރުގެ ޚިދުމަތަށް އަހަރެއް ފުރުނުއިރު 15 ބިލިއަން ރުފިޔާގެ މުއާމަލާތްކޮށްފި

މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ތައާރަފްކުރި "ފަވަރަ" އިންޓަނެޓް ޕޭމަންޓް ސިސްޓަމުގެ ހިދުމަތަށް އިއްޔެ އަހަރެއް ފުރުނު އިރު، މި ނިޒާމު މެދުވެރިކޮށް 15 ބިލިއަން ރުފިޔާގެ މުއާމަލާތް ކޮށްފައިވާ ކަމަށް އެމްއެމްއޭ އިން ބުނެފި އެވެ.

އެމްއެމްއޭ އިން މި ނިޒާމު ތައާރަފު ކުރީ މިދިޔަ އަހަރުގެ 26 އޮގަސްޓުގަ އެވެ. މި ނިޒާމުގެ ސަބަބުން އެއް ބޭންކުން އަނެއް ބޭންކަށް ފޮނުވާ ފައިސާ ވަގުތުން ޖަމާވުމުގެ ހިދުމަތް ލިބެން ފެށި އެވެ.

އެމްއެމްއޭ އިން އާންމުކޮށްފައިވާ ތަފާސްހިސާބުތަކަށް ބަލާއިރު، ފާއިތުވި އަހަރު ތެރޭ ފަވަރަ މެދުވެރިކޮށް އެއް ބޭންކުން އަނެއް ބޭންކަށް ފައިސާ ފޮނުވުމަށް 5 މިލިއަން މުއާމަލާތް ކުރެވި، އެ މުއާމަލާތްތަކުން ޖުމްލަ 15 ބިލިއަން ރުފިޔާ ފޮނުވާފައިވެ އެވެ.

މި ވަގުތު ފަވަރަ ނިޒާމުގައި ފަސް ބޭންކެއް ބައިވެރިވެފައިވެ އެވެ. އެއީ ބޭންކް އޮފް މޯލްޑިވްސް (ބީއެމްއެލް)، މޯލްޑިވްސް އިސްލާމިކް ބޭންކް (އެމްއައިބީ)، ސްޓޭޓް ބޭންކް އޮފް އިންޑިއާ (އެސްބީއައި)، މޮރިޝަސް ކޮމާޝަލް ބޭންކް (އެމްސީބީ) އަދި ބޭންކް އޮފް ސިލޯން (ބީއޯސީ) އެވެ.

ފަވަރަ ނިޒާމުގެ ސަބަބުން ރާއްޖޭގެ ބޭންކިންގ ދާއިރާގައި އިންގިލާބީ ބަދަލުތަކެއް އައިސްފައިވާ ކަމަށް ބެލެވެ އެވެ. މި ނިޒާމުގެ ސަބަބުން ކަސްޓަމަރުންނަށް ފަސޭހަކަމާއެކު އަވަސް ހިދުމަތެއް ލިބިގެން ދިޔަ އެވެ.

އެމްއެމްއޭ