އެމެރިކާ އާއި އިސްރާއީލުގެ ދިފާއީ އިސްވެރިން މަޝްވަރާ ކުރައްވައިފި

ވޮޝިންޓަން (23 އޮގަސްޓް 2024) : ހަނގުރާމަ ހުއްޓާލުމާއި، ސަރައްދީ ނުރައްކާތަކާ ބެހޭގޮތުން އިޒްރޭލުގެ ޚާރިޖީ ވަޒީރާ މަޝްވަރާ ކުރެއްވިކަމަށް އެމެރިކާގެ ޑިފެންސް ސެކްރެޓަރީ ލޮއިޑް އޮސްޓިން ވިދާޅުވެއްޖެ އެވެ. އޭނާ މިހެން ވިދާޅުވީ އެކްސްގައި ހުކުރު ދުވަހު ކުރެއްވި ޕޯސްޓެއްގައެވެ.

މި މަޝްވަރާތަކުގައި، އިޒްރޭލާއި ލުބްނާންގެ ބޯޑަރު ސަރަހައްދުގައި ހިނގަމުން ހަމަލާތަކާއި، ހަނގުރާމަ ހުއްޓާލުމުގެ އެއްބަސްވުމުގައި ކަނޑައަޅަންޖެހޭ މުހިންމު ނުގުތާތަކާބެހޭގޮތުންނާއި، މި ސަރަހައްދުގައި ހުރި ގިނަ މައްސަލަތަކާ ބެހޭ ގޮތުން ވާހަކަދެއްކެވިއެވެ.

އޮސްޓިން އެކްސްގައި ކުރެއްވި ޕޯސްޓެއްގައި ވިދާޅުވީ، ބުރާސްފަތި ދުވަހު ބޭއްވި އެ ބައްދަލުކުރެއްވުމުގައި އީރާނާއި، އީރާނަށް ތާއީދުކުރާ ޖަމާއަތްތަކުން އިސްރާއީލަށް ކުރިމަތިވާ ނުރައްކާތަކާ ބެހޭ ގޮތުން ވެސް މަޝްވަރާ ކުރެއްވި ކަމަށެވެ. އަދި އެމެރިކާ އަކީ މި ސަރަހައްދުގެ ސުލްހަ ގާއިމްކުރުމަށް މަސައްކަތްކުރާ ގައުމެއްގެ ގޮތުގައި އިޒްރޭލުގެ ޑިފެންސް މިނިސްޓަރު ޔޯއަވް ގަލަންޓް ސިފަކުރެއްވި ކަމަށެވެ.

"އިސްރާއީލާއި ލުބުނާނުގެ ބޯޑަރުގައި ކުރިއަށްދާ ބަޑިޖެހުމާއި މެދުއިރުމަތީގައި އީރާނާއި ލުބުނާނުގެ ހިޒްބުالله އަދި އީރާނުގެ ތާއީދު އޮންނަ ޓެރަރިސްޓް ޖަމާއަތްތަކުން ބަޑިޖެހުމުގެ ނުރައްކާ ބޮޑުވުމާ ބެހޭ ގޮތުން މަޝްވަރާ ކުރުމަށް އިއްޔެ އިސްރާއީލުގެ މިނިސްޓަރު އޮފް ޑިފެންސް ޔޯވް ގަލަންޓަށް ގުޅިން. އަޅުގަނޑު އިސްރާއީލުގެ ސަލާމަތަށް އެމެރިކާއިން ވަޢުދުވެފައިވާކަން ކަށަވަރުކޮށްދީ، އިސްރާއީލު ދިފާޢުކުރުމަށާއި އެމެރިކާގެ މުވައްޒަފުންނާއި ވަސީލަތްތައް ހިމާޔަތްކުރުމަށް މުޅި ސަރަޙައްދުގައި އެމެރިކާ އޮތީ ރަނގަޅަށް ކަމަށް ހިއްސާކުރިން. އަދި ޣައްޒާގައި ހަނގުރާމަ ހުއްޓާލުމާއި ހުރިހާ ރަހީނުން ދޫކޮށްލުމާ ގުޅޭ ގޮތުން ކުރާ މަޝްވަރާތަކުގެ ކުރިއެރުންތަކާ ބެހޭގޮތުން މިނިސްޓަރ ގެލަންޓާއި އަޅުގަނޑު މަޝްވަރާކޮށް، ޑީލެއް ފައިނަލް ކުރުމުގެ މުހިންމުކަން އަޅުގަނޑު ފާހަގަކުރިން." އޮސްޓިން އެކްސްގައި ކުރި ޕޯސްޓްގައިވެއެވެ.