މޯލްޑިވިއަނުން ބަންގްލަދޭޝަށް ކުރާ ދަތުރުތައް އަލުން ފަށައިފި

މޯލްޑިވިއަން މެދުވެރިކޮށް ގިނަބަޔަކު ބަންގްލަދޭޝްއަށް ދަތުރުކުރޭ / ފޮޓޯ:މޯލްޑިވިއަން

މޯލްޑިވިއަނުން ބަންގްލަދޭޝްގެ ވެރިރަށް ޑާކާއަށް ކުރަމުން އައި ދަތުރުތައް އަލުން ފަށާފައިވާކަމަށް ދިވެހިރާއްޖޭގެ ޤައުމީ އެއަރލައިން، މޯލްޑިވިއަނުން ހާމަކޮށްފިއެވެ.

މޯލްޑިވިއަނުން ބަންގްލަދޭޝަށް ކުރަމުން އައި ދަތުރުތައް މެދުކަނޑާލާފައިވަނީ މި މަހުގެ 6 ވަނަ ދުވަހުއެވެ. އެއީ ބަންގްލަދޭޝްގައި ހިނގަމުންދިޔަ ހަމަނުޖެހުންތަކާ ގުޅިގެން އެ ޤައުމުގެ ހާލަތު ގޯސްވުމުގެ ސަބަބުންނެވެ.

ބަންގްލަދޭޝަށް ކުރަމުން އައި ދަތުރުތައް އަލުން ފެށިކަމުގައި ވިޔަސް، ފްލައިޓްތަކުގެ އަދަދު ވަނީ މަދުކޮށްފައެވެ. މިގޮތުން، ކުރިން ހަފްތާއަކު 2 ދަތުރު ކުރަމުން ދިޔަ ނަމަވެސް، މިހާރު ކުރަނީ ހަފްތާއަކު އެންމެ ދަތުރެއްކަމަށް މޯލްޑިވިއަނުން މަޢުލޫމާތު ދީފައިވެއެވެ.

ބަންގްލަދޭޝަކީ މޯލްޑިވިއަނުން ދަތުރުކުރަމުންދާ ބައިނަލްއަޤްވާމީ މަދު މަންޒިލްތަކުގެ ތެރެއިން މަންޒިލެކެވެ. މިހާރު މޯލްޑިވިއަނުން ބައިނަލްއަޤްވާމީ ދަތުރުތައް ކުރަމުންދަނީ ބަންގްލަދޭޝްގެ އިތުރުން އިންޑިއާގެ ޓްރިވެންޑްރަމް، ކޮޗިން އަދި ބެންގަލޫރަށެވެ.

މި ބަދަލާއެކު، ދަތުރުވެރިންނަށް އަނެއްކާވެސް ބަންގްލަދޭޝަށް ދަތުރުކުރުމުގެ ފުރުޞަތު ލިބިގެންދާނެއެވެ. ނަމަވެސް ދަތުރުތަކުގެ އަދަދު މަދުވުމާ ގުޅިގެން ޓިކެޓް ހޯދުމަށް ދަތިތަކެއް ކުރިމަތިވެދާނެކަން ފާހަގަކުރެވެއެވެ.

މޯލްޑިވިއަން މޯލްޑިވިއަން އެއާރލައިންސް