ހަންސީ ފްލިކްގެ ކޯޗުގެ ކަމުގެ ދަށުން ކުޅުނު ފުރަތަމަ ލީގު މެޗުގައި ބާރސެލޯނާއަށް މޮޅެއް

ސްޕެނިޝް ލަލީގާގައި ބާރސެލޯނާއިން ކުޅުނު ފުރަތަމަ މެޗު ކާމިޔާބުކޮށްފިއެވެ. ބާރސެލޯނާއާއި ވެލެންސިއާ ބައްދަލުކުރި މެޗު ނިމިގެންދިޔައީ 1-2 ގެ ނަތީޖާއަކުންނެވެ.

ވެލެންސިއާއިން ލިބުނު ފުރުސަތުގެ ބޭނުންކޮށް ފުރަތަމަ ގޯލު ޑުރޯ ކާމިޔާބުކޮށްދިނެވެ. އޭގެ ފަހުންވެސް ވެލެންސްސިއާއަށް މެޗުގައި ގިނަ ފުރުސަތުތަކެއް ލިބުނެވެ ނަމަވެސް ގޯލެއް ކާމިޔާބުކުރެވޭ ގޮތް ނުވިއެވެ. ނަތީޖާއެއްގެ ގޮތުން މެޗުގެ ފުރަތަމަ ހާފުގައި ލިބުނު އިތުރު ވަގުތުގައި ބާރސެލޯނާގެ ފޯވާޑް ލެވަންޑޯވްސްކީ ކާމިޔާބުކޮށްދިން ގޯލާއިއެކު ފުރަތަމަ ހާފުގެ ކުޅުން ނިމިގެންދިޔައީ 1-1 ގެ ނަތީޖާއަކުން އެއްވަރު ވެގެނެވެ.

ދެވަނަ ހާފު ފަށައިގެން ގިނަ އިރުތަކެއް ނުވެ ބާރސެލޯނާއިން ވަނީ މެޗުގެ ލީޑު ނަގައިފައެވެ. ވެލެންސިއާގެ ޕެނަލްޓީ އޭރިއާގެ ތެރެއިން ރަފީނިއާއަށް ކުރި ފައުލަކާއި ގުޅިގެން ބާރސެލޯނާއަށް ލިބުނު ޕެނަލްޓީ ލެވަންޑޯވްސްކީ ފޮނުވާލަދީ ދެވަނަ ގޯލު ކާމިޔާބުކޮށްދިނެވެ. މި މެޗުގެ މޮޅު ކުޅުންތެރިއަކަށް ހޮވިފައިވަނީ ބާރސެލޯނާގެ ޖ.11 ރަފީނިޔާއެވެ.