ރައްޔިތުންގެ މަޖިލީހުގެ ރައީސް ޗައިނާއަށް ފުރާވަޑައިގެންފި

މަޖިލީހުގެ ރައީސްގެ މި ދަތުރުފުޅުގައި، ބާރަށު ދާއިރާގެ މެންބަރު އަލްފާޟިލް އިބްރާހިމް ޝުޖާޢު، ވިލިމާލެ ދާއިރާގެ މެންބަރު އަލްފާޟިލް މުޙައްމަދު އިސްމާޢީލް، އަދި ހުޅުދޫ ދާއިރާގެ މެންބަރު އަލްފާޟިލް މުޙައްމަދު ޝާހިދު ބައިވެރިވެވަޑައިގަންނަވައެވެ.

ރައްޔިތުންގެ މަޖިލީހުގެ ރައީސް، އަލްފާޟިލް ޢަބްދުއްރަޙީމް ޢަބްދުﷲ، ތަރައްޤީވަމުން އަންނަ ޤައުމުތަކުގެ ޕާލަމެންޓްތަކުގެ މެދުގައި ބޭއްވޭ މުހިންމު މަސައްކަތު ބައްދަލުވުމެއްގައި ބައިވެރިވެވަޑައިގަތުމަށްޓަކައި ޗައިނާއަށް ދަތުރުފުޅެއް ފައްޓަވައިފިއެވެ.

ރައްޔިތުންގެ މަޖިލީހުގެ އިދާރާއިން ދެއްވި މަޢުލޫމާތުގައިވާ ގޮތުން، މަޖިލީހުގެ ރައީސް މި ދަތުރުފުޅުގައި ބައިވެރިވެވަޑައިގަންނަވަނީ "2024 އިންޓަރ ރީޖަނަލް ސެމިނަރ އޮން ދަ އެޗީވްމެންޓް އޮފް ދަ އެސްޑީޖީސް ފޯރ ޕާލަމެންޓްސް އޮފް ޑިވެލޮޕިންގ ކަންޓްރީސް" ގައެވެ. މި ބައްދަލުވުން ކުރިއަށްދާނީ މި މަހުގެ 18 އިން 23 އަށް ކަމަށްވެސް އެ އިދާރާއިން ހާމަކުރެއްވިއެވެ.

މަޖިލީހުގެ ރައީސްގެ މި ދަތުރުފުޅުގައި، ބާރަށު ދާއިރާގެ މެންބަރު އަލްފާޟިލް އިބްރާހިމް ޝުޖާޢު، ވިލިމާލެ ދާއިރާގެ މެންބަރު އަލްފާޟިލް މުޙައްމަދު އިސްމާޢީލް، އަދި ހުޅުދޫ ދާއިރާގެ މެންބަރު އަލްފާޟިލް މުޙައްމަދު ޝާހިދު ބައިވެރިވެވަޑައިގަންނަވައެވެ.

6 ދުވަހުގެ މުއްދަތަށް ޗައިނާގައި ބޭއްވޭ މި މަސައްކަތު ބައްދަލުވުމަކީ އިންޓަރ ޕާލަމެންޓަރީ ޔޫނިއަންއާއި ޗައިނާގެ ނެޝަނަލް ޕީޕަލްސް ކޮންގްރެސް ގުޅިގެން އިންތިޒާމުކުރާ ބައްދަލުވުމެކެވެ. މި ބައްދަލުވުމުގައި، އދ. އިން ކަނޑައަޅުއްވާފައިވާ ދެމެހެއްޓެނިވި ތަރައްޤީގެ ލަނޑުދަނޑިތައް ޙާޞިލުކުރުމުގައި ޤާނޫނު ހަދާ މަޖިލިސްތަކުން އަދާކުރެވިދާނެ މުހިންމު ދައުރުތަކާ ބެހޭގޮތުން ފުޅާ ދާއިރާއެއްގައި މަޝްވަރާކުރެވޭނެއެވެ.