ރައްޔިތުންގެ މަޖިލިހުގެ ރައީސް އަބްދުއްރަހީމް އަބްދުﷲ ޗައިނާއަށް

މަޖިލިހުގެ ރައީސް އަބްދުއްރަހީމް އަބުދުﷲ ޗައިނާއަށް ފުރާވަޑައިގެންނެވުން / ފޮޓޯ: މަޖިިލިސް

ރައްޔިތުންގެ މަޖިލިހުގެ ރައީސް އަބްދުއްރަހީމް އަބްދުﷲ ރަސްމީ ދަތުރުފުޅެއްގައި ޗައިނާއަށް ވަޑައިގެންފިއެވެ. މިއީ އަބްދުއްރަހީމް މަޖިލިހުގެ ރައީސްގެ މަގާމާ ހަވާލުވެވަޑައިގެންނެވި ފަހުން ރަސްމީ ދަތުރުފުޅެއްގައި ބޭރު ގައުމަކަށް ވަޑައިގެންނެވި ފުރަތަމަ ފަހަރެވެ.

ރައްޔިތުންގެ މަޖިލހުން މައުލޫމާތު ދެއްވާފައިވާ ގޮތުގައި މި ދަތުރުފުޅުގެ މަގްސަދަކީ "ޑީޖީސް ފޯރ ޕާލަމެންޓްސް އޮފް ޑެވެލޮޕިންގ ކަންޓްރީސް" ގައި ބައިވެރިވެވަޑައިގަތުމެވެ.

މިއީ މަޖިލިހުގެ ރައީސްގެ ހައިސިއްޔަތުން އަބްދުއްރަހީމް މިފަދަ ސެމިނާއެއްގައި ބައިވެރިވެވަޑައިގަންނަވާ ފުރަތަމަ ފަހަރުވެސް މެއެވެ.

އަބްދުއްރަހީމުގެ އަރިހުގައި، ވިލިމާލޭ ދާއިރާގެ މެންބަރު މުހައްމަދު އިސްމާއީލާއި، ބާރަށު ދާއިރާގެ މެންބަރު އިބްރާހިމް ޝުޖާއު އާއި އަދި އަދި ހުޅުދޫ ދާއިރާގެ މެންބަރު މުހައްމަދު ޝާހިދު ބައިވެރިވެވަޑައިގަންނަވައެވެ.

އިންޓަ ޕާލިމަންޓަރީ ޔޫނިއަން (އައިޕީޔޫ) އިން އިންތިޒާމުކޮށްގެން ބާއްވާ މި ސެމިނާ އޮންނާނީ މި މަހުގެ 19 އިން 28 އަށް ޗައިނާގެ ބެއިޖިންގައެވެ. މި ދަތުރުފުޅުގައި ރާއްޖޭގެ މަޖިލިސް މެންބަރުން ބައިވެރިވެވަޑައިގަތުމަކީ ދެ ގައުމުގެ ގުޅުން އިތުރަށް ބަދަހިވެގެންދާނެ ކަމެއް ކަމުގައި ބެލެވެއެވެ.

އަދުރޭ މަޖިލިސް ރައީސް ރައްޔިތުންގެ މަޖިލިސް މަޖިލިސް