ޕޮލިސް އެކަޑަމީން ހިންގި "ޖުވެނައިލް ޖަސްޓިސް ޓްރޭނިންގ" ޕްރޮގްރާމުގެ ނިމުން ފާހަގަކޮށްފި

ޑިޕާޓްމަންޓް އޮފް ޖުވެނައިލް ޖަސްޓިސްއާއި މޯލްޑިވްސް ކަރެކްޝަނަލް ސަރވިސް ގުޅިގެން ހިންގި "ޖުވެނައިލް ޖަސްޓިސް ޓްރޭނިންގ" ޕްރޮގްރާމްގެ ނިމުން އިސްކަންދަރު ކޮށީގައި އިއްޔފާހަގަކޮށްފިއެވެ.

މި ރަސްމިއްޔާތު ޝަރަފުވެރިކޮށްދެއްވީ މިނިސްޓަރ އޮފް ހޯމްލޭންޑް، ސެކިއުރިޓީ އެންޑް ޓެކްނޮލޮޖީ އޮނަރަބަލް ޢަލީ އިޙުސާނެވެ.

މި މަހުގެ 11  އިން ފެށިގެން ފަސް ދުވަހުގެ މުއްދަތަށް ހިންގުނު މި ތަމްރީން ޕްރޮގްރާމަކީ ކުޑަކުދިންގެ ޢަދުލުގެ ޤާނޫނުގެ ދަށުން ހިންގުނު ޕްރޮގްރާމެކެވެ. މި ޓްރޭނިންގގެ މަޤްޞަދަކީ ކުޑަކުދިންނާއެކު މަސައްކަތްކުރާ ފަރާތްތައް ކުޑަކުދިންގެ ޢަދުލުގެ ނިޒާމަށް ހޭލުންތެރިކުރުމާއި، އެ ނިޒާމުގެ ތެރެއިން އެ ކުދިންނަށް ލިބިދޭ ޙައްޤުތަކާއި ރައްކާތެރިކަމަށް ހޭލުންތެރިކުރުމެވެ.

މި ތަމްރީން ޕްރޮގްރާމްގައި މޯލްޑިވްސް ކަރެކްޝަނަލް ސަރވިސް، މޯލްޑިވްސް ޕޮލިސް ސަރވިސް، ޕްރޮސެކިއުޓަރ ޖެނެރަލްސް އޮފިސް، އެޓަރނީ ޖެނެރަލްސް އޮފީސް، ޑިޕަރޓްމަންޓް އޮފް ޖުވެނައިލް ޖަސްޓިސް އަދި ޖުވެނައިލް އަދި ޑްރަގް ކޯޓު ހިމެނޭގޮތަށް ޖުމްލަ 29 ބައިވެރިން ބައިވެރިވިއެވެ. ޕްރޮގްރާމްގައި މަލްޓި-ސެކްޓޯރިއަލް ކޯޑިނޭޝަން، ކުޑަކުދިންގެ ޢަދުލުގެ ނިޒާމުގެ މައިގަނޑު އުސޫލުތައް، އަދި ޑައިވަރޝަން އާއި ރެސްޓޮރޭޓިވް ޖަސްޓިސްއާ ގުޅޭ މަޢުލޫމާތު ފޯރުކޮށްދެވުނެވެ.