މެޑްރިޑް އިން އެޓްލާންޓާ ބަލިކުރުމަށްފަހު ޔުއެފާ ސުޕަރ ކަޕް އުފުލާލައިފި

މެޑްރިޑް އާއި އެޓްލާންޓާ ބައްދަލު ކުރި މެޗުގެ ތެރެއިން

ޔުއެފާ ސުޕަރ ކަޕުގައި ރެއާލް މެޑްރިޑް އާއި އެޓްލަންޓާ ބައްދަލު ކުރި މެޗު 0-2 ގެ ނަތީޖާ އަކުން ރެއާލް މެޑްރިޑް އިން ކާމިޔާބުކޮށްފިއެވެ.

ފުރަތަމަ ހާފުގެ ކުޅުން ނިމިގެންދިޔައިރު ދެ ޓީމުން ކުރެ ޓީމަކަށް ގޯލެއް ކާމިޔާބު ކުރެވިފައެއް ނުވެއެވެ. ދެޓީމުގެ ފަރާތުންވެސް ފެނިގެންދިޔައީ ހަމަހަމަ ކުޅުމެކެވެ.

ދެވަނަ ހާފު ފަށައިގެން ރެއާލް މެޑްރިޑް އިން ކުރިއަށް ޖައްސާލައި ގޯލެއް ޖެހުމަށް އިތުރު މަސައްކަތްތަކެއް ފެށިއެވެ. 59 ވަނަ މިނެޓުގައި ވަލްވާޑޭ ޖެހި ގޯލާއިއެކު ރެއާލް މެޑްރިޑް އިން މެޗުގައި ކުރި ހޯދިއެވެ. ގޯލަށް ފަހުގައިވެސް ރެއާލް މެޑްރިޑްގެ ފަރާތުން ފެނިގެންދިޔައީ މޮޅު ކުޅުމެކެވެ. އެގޮތުން ދެވަނަ ގޯލު ކާމިޔާބުކޮށްދިނީ ބެލިންގްހަމް ދިން ޕާހަކުން އެމްބާޕޭ އެވެ. މިއީ އެމްބާޕޭ ރެއާލް މެޑްރިޑްއާއި އެއްކޮށް ކުޅުނު ފުރަތަމަ މެޗެވެ.

މި މެޗު މޮޅު ކުޅުންތެރިއަަކަށް ހޮވިފައިވަނީ ރެއާލް މެޑްރިޑްގެ ޖ.5 ޖޫޑް ބެލިންގްހަމްއެވެ. ޔުއެފާ ސުޕަރ ކަޕަކީ ޗެމްޕިއަންސް ލީގު އަދި ޔޫރަޕާ ކަޕް ކާމިޔާބުކުރާ ދެޓީމުގެ މެދުގައި ކުޅެވޭ ފައިނަލް މެޗެކެވެ.

ކިލިއަން އެމްބާޕޭ ރެއާލް މެޑްރިޑް