އަޤްޞާ މިސްކިތަށް އިޒްރޭލުގެ ޔަހޫދީން ވަދެގަތުން ރާއްޖެއިން ކުށްވެރިކޮށްފި
މަސްޖިދުލް އަޤްޞާ
އިޒްރޭލުގެ ޔަހޫދީންތަކެއް މަސްޖިދުލްއަޤްޞާއަށް ވަދެގަތުމާ ގުޅިގެން ދިވެހި ސަރުކާރުން އެކަން ހަރުކަށި އިބާރާތުން ކުށްވެރިކޮށްފިއެވެ.
އިއްޔެ ހިނގި މި ހާދިސާގައި، ޔަހޫދީންގެ އަޅުކަމުގެ ދުވަހެއް ފާހަގަކުރުމުގެ ގޮތުން އިޒްރޭލުގެ ދެ މިނިސްޓަރުންނާއި ގާނޫނު ހަދާ މަޖިލީހުގެ ބައެއް މެމްބަރުން ހިމެނޭ ގޮތަށް އެތައް ހާސް ބަޔަކު މަސްޖިދުލްއަޤްޞާގެ ގޯތިތެރެއަށް ގަދަކަމުން ވަދެގަތެވެ.
މި ހާދިސާއާ ގުޅިގެން ދިވެހި ސަރުކާރުން ނެރުނު ބަޔާނެއްގައި ބުނެފައިވަނީ މިއީ މުސްލިމުންގެ މުގައްދަސް ތަނެއްގެ ހުރުމަތް ކެނޑުން ކަމަށެވެ. އަދި އިޒްރޭލުން މިފަދަ ޢަމަލުތައް ތަކުރާރުކޮށް ހިންގުމަކީ އެ ސަރަހައްދުގެ ސުލްހައާއި ހަމަޖެހުމަށް ހުރަސްއެޅޭނެ ކަމެއް ކަމަށް ބަޔާނުގައި ފާހަގަކޮށްފައިވެއެވެ.
ހަމައެއާއެކު، ދިވެހި ސަރުކާރުން ވަނީ ފަލަސްތީނުގެ ރައްޔިތުންނާއެކު އޮތްކަން އަލުން ހާމަކޮށް، އިޒްރޭލުގެ އުދުވާނީ ހަމަލާތައް ހުއްޓުވައި، އެ ސަރަހައްދަށް ހަމަޖެހުން ގެނެސްދިނުމަށް މަސައްކަތްކޮށްދިނުމަށް ބައިނަލްއަގްވާމީ މުޖުތަމަޢުއަށް ގޮވާލާފައެވެ.
އިޒްރޭލުގެ ޔަހޫދީން އަޤްޞާ މިސްކިތަށް ވަދެގަތީ އެ ގައުމުގެ ސިފައިންގެ ހިމާޔަތުގައި ކަމަށްވާއިރު، މުސްލިމުން އެތަނުގައި އަޅުކަންކުރުމަށް އިޒްރޭލުން ހުރަސްއަޅަމުންދާކަން ފާހަގަކުރެވެއެވެ.
މާލޭގައި ދުވާލަކަށް 1،000 ޓަނުގެ ފެން އުފެއްދޭ ޕްލާންޓެއް ބަހައްޓައިފި
ރޯވި އެޕާޓްމެންޓުގެ މީހުންނަށް ވަގުތީ ހިޔާވަހިކަން ދީފި
ޕެރަގުއޭގެ އައު ސަފީރު، ރައީސަށް ފަތްކޮޅު އަރުވައިފި
ވީއައިއޭގެ އައު ޓާމިލަށް ފެން ފޯރުކޮށްދޭ ހޮޅި އިފުތިތާހު ކޮށްފި
ހައްޖާއި އުމްރާއާ ގުޅޭ މުހިއްމު މައުލޫމާތު ހިމެނޭ އެޕެއް ލޯންޗުކޮށްފި
ފުލުހުން ހިފަހައްޓާފައި ހުރި ގިނަ އަދަދެއްގެ ބަނގުރާ ނައްތާލައިފި
މިއަހަރު ނިމުމުގެ ކުރިން ހުރިހާ ސުކޫލެއް އޭސީކޮށް ނިމޭނެ: މިނިސްޓަރު
މާލޭ ގެއެއް ބަލައި ފާސްކޮށް، ޑުރަގާ އެކު ދެމީހަކު ހައްޔަރު
ފޭކް ސްލިޕް ފޮނުވި މައްސަލައެއްގައި ޒައިދާންގެ ދެމަފިރިން ހައްޔަރުކޮށްފި
އޯއައިސީ އިތުރަށް ހަރުދަނާކޮށް، އެކުގައި މަސައްކަތް ކުރުމަށް ގޮވައިލައްވައިފި
އީރާނުގެ ނިއުކްލިއާ މަރުކަޒު ތަކަށް ހަމަލާ ދީފިން: ޓްރަމްޕް
މާލޭ ގެއެއްގެ މަތިން ވެއްޓުނު އަންހެނަކަށް އަނިޔާވެ، ފަރުވާދެނީ
ކޮމެންޓް