އިސްރާއީލަށް އަދަބު ދިނުމުގެ ހައްގު އީރާނަށް އޮތް ކަމަށް އެ ގައުމުގެ ރައީސް ވިދާޅުވެއްޖެ
އިރާނުގެ ރައީސް މަސްއޫދު ޕެޒެޝްކިއަން
އިސްރާއީލުން އީރާނުގެ ވެރިރަށް ތެހުރާނުގައި ހަމާސްގެ ލީޑަރު އިސްމާއީލް ހަނިއްޔާ ޝަޙިދިކޮށްލައިފައި ވާތީވެ، އިސްރާއީލަށް އަދަބު ދިނުމުގެ ހައްގު އީރާނަށް އޮތް ކަމަށް އެ ގައުމުގެ ރައީސް މަސްއޫދު ޕެޒެޝްކިއަން ވިދާޅުވެއްޖެއެވެ.
ވެޓިކަންގެ ސެކްރެޓަރީ އޮފް ސްޓޭޓް ކާޑިނަލް ޕިއެޓްރޯ ޕަރޮލިންއާ ފޯނުން ވާހަކަފުޅު ދައްކަވަމުން ރައީސް ޕެޒެޝްކިއަން ވިދާޅުވީ، ހަނިއްޔާ ޝަޙީދުކޮށްލުމަކީ އިންސާނިއްޔަތާއި ގާނޫނީ ހުރިހާ އުސޫލުތަކަކާ ޚިލާފު ކަމެއް ކަމަށެވެ. އެހެންކަމުން އިސްރާއީލަށް އަދަބު ދިނުމަކީ އީރާނުގެ ހައްގެއް ކަމަށް އެމަނިކުފާނު ވިދާޅުވިއެވެ.
ހަނިއްޔާ ޝަޙީދުކޮށްލީ ރައީސް ޕެޒެޝްކިއަންގެ ރައީސްކަމުގެ ހުވާ ކުރެއްވުމުގެ ރަސްމިއްޔާތަށް އީރާނަށް ޒިޔާރަތް ކުރައްވާފައި ހުންނެވިއިރު، ތެހްރާނުގައި މަޑުކުރެއްވި އިމާރާތަށް ކުރު ރާސްތާ މިސައިލެއް އަމާޒުކޮށް ދިން ހަމަލާއަކުންނެވެ. އީރާނާއި ހަމާސްއިން ބުނަނީ މިއީ އިސްރާއީލުގެ އަމަލެއް ކަމަށެވެ.
"ބައިނަލްއަގްވާމީ ހުރިހާ އުސޫލުތަކަކުންވެސް، އުދުވާނީ އަމަލެއް ހިންގި ފަރާތަކަށް އަދަބު ދިނުމުގެ ހައްގު އޮންނާނެ" ކަމަށް ރައީސް ޕެޒެޝްކިއަން ވިދާޅުވިއެވެ. އަދި ހުޅަނގުގެ ބައެއް ގައުމުތަކުން އިސްރާއީލަށް ދޭ އެހީތެރިކަމާއި، އިސްރާއީލުގެ ޖަރީމާތަކާ މެދު ބައިނަލްއަގްވާމީ މުޖުތަމައު ނިދާފައި އޮތުމުން އިސްރާއީލަށް އިތުރަށް ކުށް ކުރުމަށް ހިތްވަރު ލިބޭ ކަމަށްވެސް އެމަނިކުފާނު ވިދާޅުވިއެވެ.
ޒަޔަނިސްޓް އިސްރާއިލުން ފަލަސްޠީނުގައި މިހާރު ކުރިއަށް ގެންދާ ލާއިންސާނީ ނިރުބަވެރި ހަމލާތަކުގައި ޣައްޒާއިން ޝަހީދުވެފައިވާ މީހުންގެ އަދަދު 40,000 އާ ކައިރިވެފައިވާއިރު، 90,000 އަށްވުރެ ގިނަ މީހުން ވަނީ ޒަޚަމްވެފައެވެ.
ތެދުވެރިކަމާއެކު މަސައްކަތް ކުރުމަށް ސީޕީ، ފުލުހުންގެ ކިބައިން އެދެފި
ހޫނު ގަދަކަމުން ކަރަންޓު އިގުތިސޯދު ކުރުމަށް ސްޓެލްކޯއިން އިލްތިމާސްކޮށްފި
ހުޅުމާލެ ހޮސްޕިޓަލްގެ ހިދުމަތް ފުޅާކުރަން ގިނަ މަސައްކަތްތަކެއް އެބަ ކުރަން: ނާޒިމް
މަޖީދިއްޔާއަކީ މި ގައުމުގެ އެންމެ ޝަރަފުވެރި އިލްމީ ބަގީޗާ: ރައީސް
މޫމިން ފުއާދުގެ އާ ދިވެހި ފިލްމު "އަބަދަށް" މާލެއާ އެއްކޮށް ރަށްރަށުގައި ދެއްކޭ ގޮތް ހަދައިފި
ސުވަރުގެ ހަރާމް ވާނެ މީހުން ކަނޑައެޅުމަކީ ސިޔާސީ ވާހަކައެއް ނޫން: ޝަކީލް
ހަރަމްފުޅުގެ އިމާމު، ރާއްޖެ ވަޑައިގަންނަވާނީ އަންނަ ހޯމަ ދުވަހު
ޖަމީލަށް ސައީދުގެ ރައްދެއް: ޕާޓީ ހިންގުމުގެ ނަމުގައި ގައުމާއި އާއިލާތަކަށް ކުރަނީ ފުރައްސާރަ
ގެއެއްގެ ފުރާޅު މައްޗަށް ވެއްޓިފައި އޮތް އަންހެނަކަށް ފަރުވާ ދެނީ
ސިފައިންގެ ދުވަހުގެ މަގުމަތީ ހިނގާލުން މާދަމާ މާލޭގައި
ޒަރީރު އޮޅުންފިލުވައިދިނީ ތާރީޙު: ބަލްފޯ ޑިކްލަރޭޝަނަކީ މައްސަލައިގެ ފެށުން!
ޒަކާތުގެ ޝަރުއީ މަގުސަދު ހާސިލު ކުރެވޭނީ ތަނަވަސްކަމުގެ އަހުލުވެރީން، މުދަލު ޒަކާތް އަދާކޮށްގެން: ހުތުބާ
ކޮމެންޓް