ބިދޭސީންނާ ގުޅޭ 182 މިލިއަނަށްވުރެ ގިނަ ރުފިޔާ ހޯމް މިނިސްޓްރީން ހޯދައިފި
ހޯމް މިނިސްޓަރ އަލީ އިޙްސާން
ބިދޭސީ މަސައްކަތްތެރިންނާ ގުޅިގެން ދައުލަތަށް ލިބެންޖެހޭ ފައިސާގެ ތެރެއިން 182 މިލިއަނަށްވުރެ ގިނަ ރުފިޔާ ހޯމް މިނިސްޓްރީން ހޯދައިފިއެވެ.
ހޯމް މިނިސްޓްރީން ރޭ ކުރި ޕޯސްޓެއްގައި ބުނެފައިވަނީ، ބިދޭސީން ގެނެސް ވަޒީފާދީގެން ގެންގުޅޭ ފަރާތްތަކުން ދައުލަތަށް ދައްކަންޖެހޭ ފައިސާގެ ތެރެއިން އިއްޔެއާއި ހަމައަށް 182،954،572 ރުފިޔާ ހޯދިފައިވާ ކަމަށެވެ. މި ފައިސާ ދައްކަން ފެށީ މިދިޔަ މަހުގެ 24 ގައި ފައިސާ ނުދައްކާ ފަރާތްތަކުގެ ލިސްޓު އާންމުކުރުމަށްފަހުގައެވެ.
ހޯމް މިނިސްޓްރީން އާންމުކުރި ލިސްޓުގައި ހިމެނެނީ ބިދޭސީ މަސައްކަތްތެރިންނަށް ދޫކޮށްފައިވާ ހުއްދަތަކާ ގުޅިގެން، ވަޒީފާދޭ ފަރާތުން ދައުލަތަށް ދައްކަންޖެހި ނުދައްކާ ހުރި ފީތަކާއި ޖޫރިމަނާތަކުގެ އަދަދު އެއް ލައްކަ ރުފިޔާއަށްވުރެ އިތުރުވާ މީހުންނެވެ.
މިނިވަން ދުވަހުގެ މުނާސަބަތުގައި ބޭއްވި ރަސްމިއްޔާތުގައި ވާހަކަދައްކަވަމުން ރައީސް ޑރ. މުޙައްމަދު މުއިއްޒު ވިދާޅުވެފައިވަނީ ދައުލަތަށް ލިބެންޖެހޭ 13 ބިލިއަން ރުފިޔާ އެބަ ހުރި ކަމަށާއި އެ ފައިސާ ހޯއްދަވާނެ ކަމަށެވެ. އެމަނިކުފާނު ވިދާޅުވި ގޮތުގައި މިދިޔަ ސަރުކާރުތަކުގައި ދައުލަތަށް ހޯދަން ޖެހޭ އެތައް ބިލިއަން ރުފިޔާއެއް ނުހޯދާ ހުރި ކަމަށާއި އެއީ، ގާނޫނީ ގޮތުން ދައުލަތަށް ލިބެން ޖެހޭ ފައިސާއެއް ކަމަށެވެ.
ރައީސް އިތުރަށް ވިދާޅުވެފައިވަނީ މި ސަރުކާރުން ވެރިކަމާ ހަވާލުވިއިރު ބިމު ކުއްޔަށް އެކަނި ވެސް ނުހޯދާ 513 މިލިއަން އެމެރިކާ ޑޮލަރު ހުރި ކަމަށެވެ. އަދި އެ ފައިސާ ހޯއްދަވާނެކަމުގެ ޔަގީންކަން ދެއްވާފައިވެއެވެ. މިހާރު ގިނަ އިދާރާތަކާއި ވުޒާރާތަކުން ވަނީ އެތަންތަނަށް ލިބެންޖެހޭ ފައިސާ ހޯދުމުގެ މަސައްކަތް ފަށާފައެވެ.
ހޯމް މިނިސްޓްރީން އިސްނަގައި ރާއްޖޭގައި ޤަވާއިދާއި ޚިލާފަށް އުޅޭ ބިދޭސީންގެ މައްސަލަތް ހައްލުކުރުމަށް ވަނީ ވަރަށް ގިނަ މަސައްކަތްތަކެއް ފަށާފައެވެ. އެގޮތުން ޤަވާއުދާއި ޚިލާފަށް ވިޔަފާރި ކުރަމުން ގެންދާ ބިދޭސީން ހިފާ ހައްޔަރުކޮށް ޑީޕޯޓްކޮށްލުން ފާހަގަ ކުރެވެއެވެ.
ތެދުވެރިކަމާއެކު މަސައްކަތް ކުރުމަށް ސީޕީ، ފުލުހުންގެ ކިބައިން އެދެފި
ހޫނު ގަދަކަމުން ކަރަންޓު އިގުތިސޯދު ކުރުމަށް ސްޓެލްކޯއިން އިލްތިމާސްކޮށްފި
ހުޅުމާލެ ހޮސްޕިޓަލްގެ ހިދުމަތް ފުޅާކުރަން ގިނަ މަސައްކަތްތަކެއް އެބަ ކުރަން: ނާޒިމް
މަޖީދިއްޔާއަކީ މި ގައުމުގެ އެންމެ ޝަރަފުވެރި އިލްމީ ބަގީޗާ: ރައީސް
މޫމިން ފުއާދުގެ އާ ދިވެހި ފިލްމު "އަބަދަށް" މާލެއާ އެއްކޮށް ރަށްރަށުގައި ދެއްކޭ ގޮތް ހަދައިފި
ސުވަރުގެ ހަރާމް ވާނެ މީހުން ކަނޑައެޅުމަކީ ސިޔާސީ ވާހަކައެއް ނޫން: ޝަކީލް
ހަރަމްފުޅުގެ އިމާމު، ރާއްޖެ ވަޑައިގަންނަވާނީ އަންނަ ހޯމަ ދުވަހު
ޖަމީލަށް ސައީދުގެ ރައްދެއް: ޕާޓީ ހިންގުމުގެ ނަމުގައި ގައުމާއި އާއިލާތަކަށް ކުރަނީ ފުރައްސާރަ
ގެއެއްގެ ފުރާޅު މައްޗަށް ވެއްޓިފައި އޮތް އަންހެނަކަށް ފަރުވާ ދެނީ
ސިފައިންގެ ދުވަހުގެ މަގުމަތީ ހިނގާލުން މާދަމާ މާލޭގައި
ޒަރީރު އޮޅުންފިލުވައިދިނީ ތާރީޙު: ބަލްފޯ ޑިކްލަރޭޝަނަކީ މައްސަލައިގެ ފެށުން!
ޒަކާތުގެ ޝަރުއީ މަގުސަދު ހާސިލު ކުރެވޭނީ ތަނަވަސްކަމުގެ އަހުލުވެރީން، މުދަލު ޒަކާތް އަދާކޮށްގެން: ހުތުބާ
ކޮމެންޓް