ނަސްލީ ތަފާތުކުރުމާ ދެކޮޅު މުޒާހިރާތައް ގަދަވެ 770 އަށްވުރެ ގިނަމީހުން ހައްޔަރުކޮށްފި

އިނގިރޭސިވިލާތުގައި ކުރިއަށްދާ މުޒާހިރާގެ ތެރެއިން

އިނގިރޭސި ވިލާތުގައި ނަސްލީ ތަފާތުކުރުމާ ދެކޮޅަށް ހިނގަމުންދާ އިހުތިޖާޖުތައް އިތުރަށް ހޫނުވެ، މިހާތަނަށް 770 އަށްވުރެ ގިނަ މީހުން ހައްޔަރުކޮށްފައިވާކަމަށް ފުލުހުން ހާމަކޮށްފިއެވެ.

މުޒާހިރާގެ ތެރެއިން ހައްޔަރުކުރި މީހުންގެތެރެއިން 349 މީހުންގެ މައްޗަށް ދަޢުވާ އުފުލުމަށް ފޮނުވާފައިވާ ކަމަށްވެސް އެފަރާތުން ބުނެފައިވެއެވެ.

ބޭރުގެ މީޑިއާ ރިޕޯޓްތައް ބުނާގޮތުގައި އެންމެ ފަހުގެ މުޒާހިރާގައި ބައިވެރިން ފުލުހުންނާ ދިމާލަށް ޕެޓްރޯލް ބޮން އުކާފައިވެއެވެ. އަދި މުޒާހިރާ ކޮންޓްރޯލްކުރުމަށް ފުލުހުން ބާރުގެ ބޭނުންކޮށްފައިވާކަމަށާއި، މުޒާހިރާތައް ޤައުމުގެ އެކި ކަންކޮޅުތަކަށް ފެތުރިފައިވާތީ، މަގުތަކަށް ގިނަ އަދަދެއްގެ ފުލުހުން ނެރެފައިވާ ކަމަށްވެސް މީޑިއާ ރިޕޯޓްތަކުން ހަބަރުދެއެވެ.

އިނގިރޭސި ވިލާތުގެ އައު ބޮޑުވަޒީރު މި ހަފުތާގައި ނަންގަވަން ހަމަޖެހިފައިވާ ޗުއްޓީވެސް ކެންސަލް ކުރައްވާފައިވާއިރު، މި މުޒާހިރާތައް އަދިވެސް ހޫނުވެގެންދާނެކަމަށް އެ ޤައުމުގެ މީޑިއާތަކުން ހަބަރުދެއެވެ.

އިންގްލެންޑް