ހދ. ކުޅުދުއްފުށީ ޒުވާނަކު މާލެއިން ގެއްލިގެން ހޯދަން ފަށައިފި

ގެއްލިގެން ހޯދަމުންދާ އަޙްމަދު އަނިލް މުޙައްމަދު (23 އަހަރު)

މާލޭގައި ދިރިއުޅެމުންދާ ހދ. ކުޅުދުއްފުށްޓަށް ނިސްބަތްވާ 23 އަހަރުގެ ޒުވާނަކު ވީނުވީއެއް ނޭނގި ގެއްލިގެން އޭނާ ހޯދުމުގެ މަސައްކަތް ދިވެހި ފުލުހުން ފަށައިފިއެވެ.

ފުލުހުން މައުލޫމާތު ދީފައިވާ ގޮތުގައި ގެއްލިގެން ހޯދަމުންދަނީ އަޙްމަދު އަނިލް މުޙައްމަދު (23 އަހަރު) އެވެ. އޭނާގެ އާއިލާއަށް ޚަބަރެއް ނުވެ ގެއްލިފައިވާ ކަމަށް ރިޕޯޓުކޮށްފައިވާތީ، ފުލުހުން ދަނީ އޭނާ ހޯދުމުގެ މަސައްކަތް ކުރަމުންނެވެ.

އަޙްމަދު އަނިލްގެ އާއިލާއިން ފުލުހުންނަށް ދީފައިވާ މައުލޫމާތުގައިވާ ގޮތުން، އޭނާގެ ޚަބަރު އެންމެ ފަހުން ލިބިފައިވަނީ މިދިޔަ ބުރާސްފަތި ދުވަހުގެ ހެނދުނު، ފޯނުންނެވެ. އޭގެ ފަހުން އޭނާގެ އެއްވެސް ޚަބަރެއް ލިބިފައެއް ނުވެއެވެ.

އާންމު ރައްޔިތުންގެ ކިބައިން ފުލުހުން އެދިފައި ވަނީ އަޙްމަދު އަނިލްއާ ގުޅޭ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން ނަންބަރު 3322111 އަށް ނުވަތަ ކުޅުދުއްފުށި ޕޮލިސް ސްޓޭޝަނުގެ ނަންބަރު 9791382 އަށް ގުޅުއްވައި ހިއްސާކުރުމަށެވެ.

މީހުން ގެއްލުމުގެ ރިޕޯޓު ދޭތެރެއަކުން ފުލުހަށް ހުށަހެޅި ނަމަވެސް، އިއުލާނު ކުރާތާ މަދު ވަގުތުކޮޅެއް ތެރޭ ގިނަ ފަހަރަށް އެމީހުން އަމިއްލައަށް އާއިލާއާ ހަވާލުވާ ކަމަށް ފުލުހުން ފާހަގަކުރެއެވެ.

ފުލުހުން ފުލުހުން