ރިސޯޓު ލީގު 2024: އޮޅުވެލި އާއި ވެލައްސަރު ކުއާޓާއަށް

ރިސޯޓު ލޯގު ގެ ތެރެއިން ފޮޓޯ: ސިޑިބަރި

ދިވެހިރާއްޖޭގެ ރިސޯޓުތަކުގެ މެދުގައި ބޭއްވޭ އެންމެ ފާހަގަކޮށްލެވޭ ފުޓްސަލް މުބާރާތް ކަމުގައިވާ ރިސޯޓު ލީގުގެ ސައުތު މާލެ ޒޯނުގެ ޕްލޭ އޮފް ބުރުގައި، އޮޅުވެލި އަދި ވެލައްސަރު ވަނީ ކުއާޓަރ ފައިނަލަށް ގޮސްފައެވެ.

އޮޅުވެލިން ޕްލޭ އޮފް ބުރުގެ މެޗު ކާމިޔާބުކޮށްފައިވަނީ ކޯމޯ ކޮކޯއާ ވާދަކޮށް 3-1 ގެ ނަތީޖާއަކުންނެވެ. މި މެޗުގެ އެންމެ ފާހަގަކޮށްލެވޭ ކުޅުންތެރިޔާގެ މަޤާމު ހޯދީ އޮޅުވެލީގެ އާދަމް މަމްދޫހެވެ.

އަނެއްކޮޅުން، ވެލައްސަރު ކުއާޓަރ ފައިނަލަށް ދަތުރުކުރީ ބޮލިފުށްޓާ ދެކޮޅަށް ކުޅުނު މެޗުންނެވެ. މެޗުގެ ޤަވާއިދުން ކަނޑައެޅިފައިވާ ވަގުތު ނިމުނުއިރު ދެ ޓީމު ވަނީ 1-1 އިން އެއްވަރުވެފައެވެ. ނަމަވެސް، ޕެނަލްޓީ ޝޫޓް އައުޓުން ވެލައްސަރު ވަނީ 4-2 އިން ކުރިހޯދާފައެވެ. މި މެޗުގެ އެންމެ ފާހަގަކޮށްލެވޭ ކުޅުންތެރިޔާގެ މަޤާމު ހޯދީ ވެލައްސަރުގެ މުޙައްމަދު ތަޙްސީނެވެ.

މި ނަތީޖާތަކާއެކު، ސައުތު މާލެ ޒޯނުގެ ކުއާޓަރ ފައިނަލުގައި ވާދަކުރާނެ ޓީމުތައް ވަނީ ކަނޑައެޅިފައެވެ. މާދަމާ ކުޅޭ ކުއާޓަރ ފައިނަލުގެ ފުރަތަމަ މެޗުގައި ކްރޮސްރޯޑްސް އާއި މާދޫ ބައްދަލުކުރާއިރު، ދެވަނަ މެޗުގައި އެސް.އޯ. މޯލްޑިވްސް އާއި ވަލްޑޯފް އެސްޓޯރިއާ ވާދަކުރާނެއެވެ.

ކުއާޓަރ ފައިނަލުގެ ތިންވަނަ މެޗުގައި ސާއީ ލެގޫން އާއި އޮލުވެލި ބައްދަލުކުރާއިރު، ފަހު މެޗުގައި ކަނޑޫމާ އާއި ވެލައްސަރު ވާދަކުރާނެއެވެ.

ރިސޯޓު ލީގު