މާފަރު ކޯޓާއި ދެ ފިހާރައެއްގެ ބިއްލޫރި ގަނޑު ތަޅާލައިފި

މާފަރު މެޖިސްޓްރޭޓް ކޯޓާއި އިތުރު ދެ ފިހާރައެއްގެ ބިއްލޫރި ގަނޑު ތަޅާލައިފިއެވެ.

މަޢުލޫމާތު ލިބިފައިވާ ގޮތުގައި މިކަން ހިނގާފައިވަނީ ރޭ ދަންވަރު 12 އާއި 1 އާ ދެމެދުގެ ވަގުތެއްގައެވެ. މި މައްސަލަ ފުލުހުން ތަޙުޤީޤު ކުރަމުން އަންނައިރު މާފަރަކީ މީގެ ކުރިންވެސް މިފަދަ އެތައް ކަމެއް ހިނގާފައިވާ ރަށެކެވެ.

ދާދި ފަހަކާ ޖެހެންދެން މާފަރުގައި ވައްކަން ގިނަވެ، ފުލުހުން ވަނީ ދެ އޮޕަރޭޝަނެއްވެސް ކުރިއަށް ގެންގޮސްފައެވެ. މީގެ ތެރޭގައި ގިނަ އަދަދެއްގެ ފައިސާ ވަގަށް ނަގާފައިވާ މައްސަލަތައްވެސް ހިމެނެއެވެ.