ރައީސް މުއިއްޒު ދެވަނަ ދައުރަކަށް ރައްޔިތުން ހޮއްވަވާނެ: ނާއިބް ރައީސް

ރާއްޖޭގައި ދެވަނަ ދައުރަކަށް ރައީސަކު ހޮވާކަމުގައި ވާނަމަ މި ފަހަރު ރައީސް ޑރ. މުހައްމަދު މުއިއްޒު، ހޮއްވަވާނެ ކަމަށް ރައީސުލްޖުމްހޫރިއްޔާގެ ނާއިބު ހުސައިން މުހައްމަދު ލަތީފް މިރޭ ވިދާޅުވެއްޖެ އެވެ.

އެމަނިކުފާނު މިހެން ވިދާޅުވީ މިރޭ އޮތް "ޕީއެންސީ ހަރުގެ ޖަލްސާ" ގައި ވާހަކަފުޅު ދައްކަވަމުންނެވެ. ނާއިބު ރައީސް ވިދާޅުވީ ރައީސް މުއިއްޒަކީ އިހްލާސްތެރި ވެރިއެއް ކަމަށާ އެމަނިކުފާނަކީ ވިދާޅުވާ ބަސްފުޅާ އަމަލާ ދިމާވާނެ ބޭފުޅެއް ކަމަށެވެ. އެމަނިކުފާނާ އެންމެ ގާތުގައި ހުންނެވި ބޭފުޅެއްގެ ހައިސިއްޔަތުން އެކަން ޔަގީން ކޮށް ދެއްވާ ކަމަށް ވިދާޅުވި އެވެ.

އެމަނިކުފާނު މިރޭ އޮތް ޖަލްސާގައި ވިދާޅުވީ "ދިވެހި ރައްޔިތުން ބޭނުންވަނީ އަމާން ސުލްހަވެރި ގައުމެއް ބިނާވާން، އެކަމުގެ މަސައްކަތުޕުޅު ރައީސުލް ޖުމުހޫރިއްޔާ އެކުރައްވަނީ، މި ސަބަބަށްޓަކައި ރައީސުލް ޖުމުހޫރިއްޔާ ޑރ. މުހައްމަދު މުއިއްޒު ގާނޫނީ ވެރިކަން ދަމަހައްޓާނެ" ކަމަށެވެ.

"އެމަނިކުފާނު (ރައީސުލް ޖުހޫރިއްޔާ ޑރ. މުހައްމަދު މުއިއްޒު ) ހާލަތާއި ވަގުތަށް ބެއްލެވުމަށްފަހު ރައްޔިތުންގެ އަޑު އެއްސެވުމަށްފަހު ފުކެއްވެސް ފަހަތަށް ޖެހިވަޑައި ނުގަންނަވާނެ" މިރޭ އޮތް ޕީއެންސީ ހަރުގެ ޖަލްސާގައި ވާހަކަފުޅު ދައްކަވަމުން ނާއިބް ރައީސް މުހައްމަދު ލަޠީފް ވިދާޅުވިއެވެ. "ރައީސުލް ޖުމުހޫރިއްޔާގެ މެނިސްފެސްޓޯގައި ތަރުތީބުކުރެވިފައިވާ ކަންތައްތަކަކީ މިވެރިކަމުގައި ހާސިލް ކުރެވޭނެ ކަންކަން".

ނާއިބު ރައީސް ވިދާޅުވީ ދައުލަތުގެ ބާރުތައް ހިނގާނީ ރައްޔިތުންގެ ކިބައިން ކަމަށާ އެ ހަނދާން ރައީސްގެ ކަންފަތްޕުޅުން ނެތިގެން ނުދާނެ ކަމަށެވެ. ރައީސް އެމަނިކުފާނުގެ ކެބިނެޓާއި ޕާޓީގެ ވެރީންނަށް އަބަދުވެސް ދެއްވާ އިރުޝާދަކީ އެއީ ކަމަށް ވެސް ނައިބު ރައީސް ވިދާޅުވި އެވެ.

ނައިބު ރައީސްގެ ވާހަކަފުޅުގައި ވަނީ ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒުގެ މެނިފެސްޓޯގައި ހުރި ކަންކަން މި ދައުރުގެ ތެރޭގައި ހާސިލް ކުރެވޭނެކަންވެސް ފާހަގަކުރައްވާފައެވެ. އަދި މި ޒައާމަތުގައި ތަފާތު ދައްކަވައި، ވެރިކަމުގެ ދެވަނަ ދައުރަކަށް ރައީސް މުއިއްޒު އިންތިޚާބުވެވަޑައިގަންނަވާނެކަމާމެދު ޝައްކު ނުކުރައްވާ ކަމަށްވެސް ނައިބު ރައީސް ވިދާޅުވިއެވެ.

"ފުރަތަމަ ފަހަރަށް ރާއްޖޭގައި ދެވަނަ ދައުރަކަށް ރައީސަކު ހޮވާކަމުގައި ވާނަމަ މި ފަހަރު ރައީސް ޑރ. މުހައްމަދު މުއިއްޒު ތިބޭފުޅުން ހޮއްވަވާނެ ކަމީ އަޅުގަނޑު ޝައްކުކުރާ ކަމެއް ނޫން،"