ބާރސެލޯނާ، ލިވަރޕޫލް އަދި މެންޗެސްޓަރ ސިޓީ އިން ސީޒަނަށް ތައްޔާރުވުމުގެ ގޮތުން ކުޅުނު މެޗުތައް ކާމިޔާބުކޮށްފި

ސިޓީގެ ތަރި ހާލަންޑް ގޯލު ސެލެބްރޭޝަންގެ ތެރެއިން

އާ ސީޒަނަށް ތައްޔާރުވުމުގެ ގޮތުން ބާރސެލޯނާއާއި ރިއަލް މެޑްރިޑް ކުޅުނު މެޗުގައި ދެ ޓީމުގައި ގިނައިން ފެނިގެން ދިޔައީ ޒުވާން ގިނަ ކުޅުންތެރިން ތަކެކެވެ. ބާރސެލޯނާ އަދި ރިއަލް މެޑްރިޑް ކުޅުނު މެޗު ނިމިގެންދިޔައީ 1-2 ގެ ނަތީޖާއަކުން ބާރސެލޯނާއިން ކުރި ހޯދައިގެނެވެ. ރިއަލް މެޑްރިޑްގެ ގޯލު ކާމިޔާބުކޮށް ދީފައިވަނީ ބަދަލު ކުޅުންތެރިއެއްގެ ގޮތުގައި އެރުވި ނިކޯ ޕަޒް އެވެ. ބާރސެލޯނާއަށް މެޗުގައި ދެ ގޯލުވެސް ކާމިޔާބުކޮށްދިނީ ޕައު ވިކްޓަރ އެވެ.

ޕައު ވިކްޓަރ ވަނީ މެންޗެސްޓަރ ސިޓީ އާއިއެކު ކުޅެވުނު އެކުވެރި ކަމުގެ މެޗުގައިވެސް ގޯލު ކާމިޔާބުކޮށްދީ ކޯޗު އަދި ސަޕޯޓަރުންގެ ސަމާލުކަން ހޯދައިފައެވެ.

ހާލަންޑްގެ ހެޓްރިކާއިއެކު 2-4 ގެ ނަތީޖާއަކުން މެންޗެސްޓަރ ސިޓީ ޗެލްސީ ބަލިކޮށްފިއެވެ. ހާލަންޑް އިތުރުން ސިޓީއަށް ގޯލު ކާމިޔާބުކޮށް ދީފައިވަނީ އޮސްކާ ބޮބްއެވެ. ޗެލްސީގެ ގޯލުތައް ކާމިޔާބުކޮށް ދީފައިވަނީ ސްޓާރލިން އަދި މަޑުއޭކޭއެވެ.

ލިވަރޕޫލް އާއި މެންޗެސްޓަރ ޔުނައިޓެޑް ބައްދަލު ކުރި މެޗު 0-3 ގެ ނަތީޖާއަކުން ފަސޭހަކަމާއިއެކު ލިވަރޕޫލް ވަނީ ކާމިޔާބުކޮށްފައެވެ. މި މެޗުގައި ލިވަރޕޫލްގެ ގޯލުތައް ކާމިޔާބުކޮށްދީފައިވަނީ ފަބިއޯ ކަރވާލިއޯ، ކާރޓިސް ޖޯންސް އަދި ސިމިކަސްއެވެ. ސީޒަނަށް ތައްޔާރުވުމުގެ ގޮތުން ކުޅުނު މެޗުތަކުން ލިވަރޕޫލް އިން ވަނީ މޮޅު ކުޅުމެއް ދައްކަމުންނެވެ. އެގޮތުން ލިވަރޕޫލް އިން ވަނީ އާރސެނަލް އަދި ރިއަލް ބެޓިސް އާއި ދެކޮޅަށް އެކުވެރި ކަމުގެ މެޗުތައްވެސް ކާމިޔާބުކޮށްފައެވެ.

ރިއަލްމެޑްރިޑް މެންޗެސްޓަރ ޔުނައިޓެޑް ޗެލްސީ މެންޗެސްޓަރ ސިޓީ ލިވަރޕޫލް ބާރސެލޯނާ