އދ ގެ އާންމު މަޖިލީހުގެ 81 ވަނަ ސެޝަންގެ ހައިލެވެލް ހަފުތާގެ ހަވާސާގައި ރާއްޖެ އާއި ކްރޮއޭޝިއާ އާ ދެމެދު ް ޕޮލިޓިކަލް ކޮންސަލްޓޭޝަންސް" އެއްބަސްވުމެއްގައި މިއަދު ސޮއިކޮށްފި އެވެ.
މި އެއްބަސްވުމުގައި ސޮއިކުރުން އޮތީ އެމެރިކާގެ ނިއުޔޯގުގަ އެވެ.
ދިވެހި ސަރުކާރުގެ ފަރާތުން މި އެއްބަސްވުމުގައި ސޮއި ކުރެއްވީ، ފޮރިން މިނިސްޓަރު އިރުތިޝާމް އާދަމެވެ. ކްރޮއޭޝިއާގެ ފަރާތުން އެ ގައުމުގެ މިނިސްޓާ އޮފް ފޮރިން އެން ޔޫރަޕިއަން އެފެއާޒް އެފެއާޒް، ގާލިޗް ރަޑްމެން އެވެ.
މި އެއްބަސްވުމުގައި ސޮއި ކުރެވިފައި ވަނީ ދެ މިނިސްޓަރުންގެ ދެމެދުގައި ބޭއްވި ބައްދަލުވުމަކަށްފަހު އެވެ.
ފޮރިން މިނިސްޓްރީން ބުނީ މި އެއްބަސްވުމާ އެކު ރާއްޖެއާއި ކްރޮއޭޝިއާއާ ދެމެދު އޮތް ހާރިޖީ ގުޅުން އިތުރަށް ބަދަހިވެ، ދެ ގައުމަށް ލާބަޔާއި މަންފާހުރި ދާއިރާތަކުން ގުޅުން ބަދަހިކުރުމަށް ޓަކައި، ގަވާއިދުން މަޝްވަރާ ބައްދަލުވުންތައް ބޭއްވުމަށް މަގުފަހިވެގެންދާނެ ކަމަށެވެ.
މީގެއިތުރުން، މި އެއްބަސްވުމުން ރަމްޒުކޮށްދެނީ ދެ ގައުމުގެ ދެމެދުގައިވާ ގުޅުން އިތުރަށް ހަރުދަނާކުރުމަށް ދެ ފަރާތުން ވެސް ބޭނުންވާ މިންވަރާއި، އެކަމަށް ފުރިހަމައަށް ތައްޔާރުވެފައިވާކަން ކަމަށް އެ މިނިސްޓްރީން ބުންޏެވެ.
ކޮމެންޓް