ބިލާލް މުޙައްމަދު - ޔޫއެފްސީ ޗެމްޕިއަންކަން ހޯދި ފަލަސްޠީނަށް ނިސްބަތްވާ ފުރަތަމަ ފައިޓަރ

ބެލާލް މުޙައްމަދު ވަނީ ޔޫއެފްސީ މުބާރާތެއްގައި ވަނަ ހޯދި ފަލަސްތީނަށް ނިސްބަތްވާ ފުރަތަމަ މިކްސްޑް މާޝަލް އާޓްސް ފައިޓަރަށްވެފައެވެ. މިއާއިއެކު އޭނާ ވަނީ އިނގިރޭސި ޗެމްޕިއަން ލިއޯން އެޑްވާޑްސްގެ އަތުން ވެލްޓަރވެއިޓް ޓައިޓަލް އަތުލާފައެވެ.

36 އަހަރުގެ މި އެމެރިކާ ފައިޓަރަކީ ޝިކާގޯގައި އުފަން، ދެ ފަލަސްތީނު މުހާޖިރުންގެ ދަރިއެކެވެ. އޭނާ ވަނީ ހޮނިހިރު ދުވަހު ބޭއްވުނު ޔޫއެފްސީ 304 މުބާރާތުގައި 5 ރައުންޑުގެ އިއްތިފާޤުން ކުރިއަށްދިޔަ މުބާރާތެއްގައި (48-47، 48-47، 49-46) ކާމިޔާބު ހޯދާފައެވެ.

އޭނާގެ މޫނުގައި ލޭއޮހޮރި، މުޙައްމަދު (24-3) ވަނީ ކަކޫމައްޗަށް ތިރިވެފައެވެ. މިއީ އޭނާ ވިދިވިދިގެން 11 ވަނަ ފަހަރަށް ބަލިނުވެ ކުރިއަށްދިޔަ ފަހުން، ޗެމްޕިއަންޝިޕް ބެލްޓު އޭނާގެ އުނަގަނޑުގައި އެޅުވުނު ވަގުތެވެ. 2019 އިން ފެށިގެން އޭނާ ވަނީ އެއްވެސް މެޗަކުން ބަލިނުވެ ކާމިޔާބުކޮށްފައެވެ.

"މިއީ ހަމައެކަނި އަޅުގަނޑަށް ޓަކައެއް ނޫން، މިއީ އެމީހުންނަށް ޓަކައި،[ފަލަސްތީނުގެ މީހުންނާއި ޣައްޒާގެ މީހުންނަށް ޓަކައި]" އިނގިރޭސިވިލާތުގައި ބޭއްވުނު އޭނާގެ ފައިޓުގެ ކުރިން މުޙައްމަދު ބުނެފައިވެއެވެ.

އަދި އޭނާ ވަނީ ހޮނިހިރު ދުވަހުގެ މެޗު ޕްރޮމޯޓްކުރުމުގައި ފަޚުރުވެރިކަމާއެކު ފަލަސްތީނުގެ ދިދަ ނަގައި، އަދި ޣައްޒާއަށް އިސްރާއީލުން ކުރަމުންދާ ހަނގުރާމައާ ދެކޮޅަށް ފާޑުކިޔާފައެވެ.

މުޙައްމަދާއި އެޑްވަރޑްސް 2021 ގައި ކުރި ފައިޓުގައި ނަތީޖާއެއް ނުނިކުތެވެ. މިއީ ދެ ފައިޓަރުންނަށްވެސް ހިތްހަމަނުޖެހޭ ނަތީޖާއަކަށްވެ، އޭގެ ފަހުން ދެމީހުންވެސް ވިދިވިދިގެން ފައިޓުތައް ކާމިޔާބުކުރަން ފެށިއެވެ. އެޑްވަރޑްސް ވިދިވިދިގެން 4 ފައިޓު ކާމިޔާބުކުރިއިރު މުޙައްމަދު ވަނީ ވިދިވިދިގެން 5 ފައިޓު ކާމިޔާބުކޮށްފައެވެ.

2022 ގައި އެޑްވަރޑްސް (22-4) ކަމަރު އުސްމާނާ ދެކޮޅަށް ކުޅެ ބެލްޓު ކާމިޔާބުކުރިއެވެ. އަދި އޭގެ ފަހުން ދެ ފަހަރު ބެލްޓު ކާމިޔާބުކަމާއެކު ދިފާޢުކުރިއެވެ. އޭގެ ފަހުން ހޮނިހިރު ދުވަހު މުޙައްމަދާ ދެކޮޅަށް ކުޅުނެވެ.

މުޙައްމަދު އޭނާގެ ފަލަސްޠީނު ނަސްލު އަބަދުވެސް ފާހަގަކުރެއެވެ. އޭނާ ރިންގަށް އަރާއިރު އަރަބް އައިޑަލްގެ ވިޖެތާ މުޙައްމަދު އައްސާފްގެ 'ދައްމީ ފަލަސްޠީނީ' (އަހަރެންގެ ލޭ ފަލަސްޠީނެވެ) މިލަވަ ޖަހައެވެ.

2021 ވަނަ އަހަރު، ނޫސްތަކުގައި މުޙައްމަދުގެ ބަސްކޯޅިއެއް ނަގާފައިވެއެވެ. އޭގައި އޭނާ ބުނެފައިވަނީ، ދުނިޔޭގައި މަޝްހޫރު ފައިޓަރެއްގެ ގޮތުގައި، އޭނާއަކީ 'އަޑުއުފުލަން  ފުރުސަތު ނުލިބިފައިވާ މީހުންގެ އަޑު' ކަމަށެވެ."

"ފަލަސްޠީނުގެ މާގިނަ ކުޅިވަރުވެރިންނަކަށް އެމީހުންގެ ދިދަ އުފުލޭނެ  ފުރުސަތެއް ނުލިބެ. އަދި މިހާރު، ޚާއްޞަކޮށް މި ދަނޑިވަޅުގައި، އަޅުގަނޑު އެ ދިދަ ކުރިއަށްވުރެ މައްޗަށް އުފުލަން ޖެހޭ. ދުނިޔެއަށް ދައްކަން ޖެހެނީ އަހަރެމެން ވުޖޫދުގައި ތިބިކަމާއި، އަހަރެމެންނަކީ ޤައުމެއްކަމާއި، އަދި އެތާ ޙަޤީޤީ މީހުން އުޅޭކަން.”

"މިހާރު އަހަރެންނަށްއެހެންވީމާ، އަހަރެން އެކަމަށް އަލިކަމެއް ދެމުން، އެމީހުންގެ ހިތްވަރު އިތުރުކޮށް، އެމީހުންގެ ހިތްތައް މަތިވެރިކުރަމުން ގެންދާނަމަ، އަހަރެންނަށް ކުރެވެން އޮތް ހުރިހާކަމެއް ކުރާނަމެވެ."

“މިހާރު އަޅުގަނޑަށްވަނީ އަޑެއް ނެތް މީހުންނަށް އަޑަކަށްވެފަ. ދުނިޔެއިން ހަނދާން ނައްތާލަން ބޭނުންވާ މީހުންގެ  އަޑަކަށް  ވެފަ. އެހެންވީމާ، އަޅުގަނޑު އެ މީހުންގެ މައްޗަށް އަލިކަމެއް އަޅުވަމުން ދާން، އެ މީހުންގެ ހިތްވަރު އިތުރުކުރާނަން، އަޅުގަނޑަށް ކުރެވެން އޮތް ހުރިހާ ކަމެއް ކުރާނަން."