ޤަވާއިދާ ޙިލާފަށް އުޅޭ 16 ބިދޭސީއަކު ހޯދާ އިމިގްރޭޝަން ގެ ބެލުމުގެ ދަށަށް ގެނެސްފި

ޤަވާއިދާއި ޙިލާފަށް އުޅޭ ބިދޭސީން ހޯދުމުގެ އޮޕެރޭޝަންގެ ތެރެއިން މާލޭގެ ހަތަރު ތަނެށް ބަލައި ފާސްކޮށް 16 ބިދޭސީން ވަނީ އިމިގްރޭޝަންގެ ބެލުމުގެ ދަށަށް ގެނެސްފައެވެ.

އިމިގްރޭޝަނުން ބުނީ ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލު ކުރުމަށް ކުރަމުންދާ މަސައްކަތުގެ ތެރެއިން ރޭ މާލޭގެ ހަތަރު ތަނެއް ބަލައި ފާސްކޮށް، ގަވާއިދާ ހިލާފަށް މަސައްކަތް ކުރަމުންދިޔަ 16 ބިދޭސީއަކު އިމިގްރޭޝަންގެ ބެލުމުގެ ދަށަށް ގެނެސްފައިވާ ކަމަށެވެ.

މި އޮޕެރޭޝަނަކީ ޤަވާއިދަށް ހިލާފަށް ދިރިއުޅޭ ބިދޭސީންނާއި ޤަވާއިދާ ޚިލާފަށް ވިޔަފާރި ކުރަމުންދާ ބިދޭސީން ހޯދުމަށް ކުރަމުން ގެންދާ އޮޕެރޭޝަނެކެވެ. މި އޮޕެރޭޝަނުގައި މިއަދާ ހަމަޔަށް ވަނީ ޤަވާއިދާ ޙިލާފަށް އުޅޭ 100 އަށް ވުރެ ގިނަ ބިދޭސީން ހޯދާފައެވެ. މި ބިދޭސީން ޑީޕޯރޓު ކުރުމުގެ މަސައްކަތް ކުރިޔަށް ދާ ކަމަށް އިމިގުރޭޝަނުން ބުނެފައިވެއެވެ.