ރައީސް ޑރ. މުހައްމަދު މުއިއްޒު، މިނިސްޓްރީ އޮފް ޑިފެންސުގެ ނަން، ބަދަލު ކުރައްވައިފި އެވެ.
ގާނޫނުއަސާސީން ރައީސުލްޖުމްހޫރިއްޔާއަށް ލިބިދޭ އިހުތިޔާރުގެ ދަށުން، މިނިސްޓްރީ އޮފް ޑިފެންސް"ގެ ނަން، ބަދަލު ކުރެއްވީ މިނިސްޓްރީ އޮފް ޑިފެންސް އެންޑް ނޭޝަނަލް ސާވިސްގެ ނަމަށެވެ.
މިނިސްޓްރީ އޮފް ޑިފެންސުގެ ނަން، މިގޮތަށް ބަދަލު ކުރެއްވުމާ ގުޅިގެން، އެ މިނިސްޓްރީއަށް ދިވެހިބަހުން ބޭނުން ކުރަން ހަމަޖައްސާފައިވާ ރަސްމީ ނަމަކީ، "ދިފާއީ އަދި ވަތަނީ ހިދުމަތާ ބެހޭ ވުޒާރާ" އެވެ.
ރައީސް އޮފީހުން ބުނީ މި ބަދަލާއެކު ދައުލަތުގެ އިދާރާތަކުން ލިޔާ ސިޓީގައި ނަންބަރު ޖެހުމުގައި، "މިނިސްޓްރީ އޮފް ޑިފެންސް އެންޑް ނޭޝަނަލް ސާވިސް" އަށް ލިޔާ ސިޓީގައި ޖަހަމުން ގެންދާނީ، މިހާތަނަށް މިނިސްޓްރީ އޮފް ޑިފެންސަށް ހަމަޖައްސާފައިވާ ނަންބަރު 28 ކަމަށެވެ.
ކޮމެންޓް