އިސްރާއީލުން ޚާން ޔޫނިސް އަށް ދިން ހަމަލާގައި 27 މީހުން މަރާލައިފި

އަނިޔާ ލިބެމުންދާ ފަލަސްތީނުގެ ރައްޔިތުން

އިސްރާއީލުން ޚާން ޔޫނިސްގެ އިރުމަތީ ސަރަޙައްދަށް އަލަށް ފަށައިގަތް ހަމަލާއަކާ ގުޅިގެން މިހާތަނަށް ނާސަރު މެޑިކަލް ކޮމްޕްލެކްސްއަށް 27 ހަށިގަނޑާއި އަދި ގިނަ އަދަދެއްގެ ޒަޚަމްވެފައިވާ މީހުން ވަނީ ގެނެވިފައެވެ. އިޒްރޭލުގެ ވައިގެ ހަމަލާތަކާއި ބޮޑުބަޑިން އަމާޒުކުރެވުނު ހަމަލާތައް ފެށުނީ، ސިފައިން އެ ސަރަހައްދު ހުސްކުރުމަށް އަމުރުކުރިތާ މަދު މިނެޓުތަކެއްގެ ތެރޭގައެވެ. ޣައްޒާގެ ފަލަސްޠީނު ސިވިލް ޑިފެންސްއިން ބުނާ ގޮތުގައި މި އަމުރުގެ ސަބަބުން 400،000 އަށްވުރެ ގިނަ މީހުންނަށް އަސަރުކޮއްފައިވެއެވެ.

އެމެރިކާއަށް ދަތުރުކުރައްވަމުން ގެންދަވާ އިޒްރޭލުގެ ބޮޑުވަޒީރު ބެންޖަމިން ނެތަންޔާހޫ ވިދާޅުވެފައިވަނީ، ހުއްޓިފައިވާ ބަންދީން ބަދަލުކުރުމުގެ މަޝްވަރާތައް އަލުން ފެށުމަށްޓަކައި ބުރާސްފަތި ދުވަހު އިޒްރޭލުން ވަފުދެއް ފޮނުވާނެ ކަމަށެވެ. ނަމަވެސް، އެ ވަފުދު ދާނެ ތަނެއް އެމަނިކުފާނު ވަކިން ބަޔާންކުރައްވާފައެއް ނުވެއެވެ.

އިޒްރޭލުން ގާޒާއަށް ކުރަމުންދާ ހަނގުރާމައިގައި މަދުވެގެން 38,983 މީހުން މަރުވެފައި ވާއިރު 89,727 މީހުންނަށް އަނިޔާވެފައިވެއެވެ. އޮކްޓޯބަރު 7 ގައި ހަމާސްގެ އިސްނެގުމުގެ ދަށުން އިޒްރޭލަށް ދިން ހަމަލާގައި އިޒްރޭލުގެ 1,139 މީހުން މަރުވިކަމަށް ލަފާކުރެވެއެވެ. އަދި އެތައް ބަޔަކު އަދިވެސް ގާޒާގައި ހިފެހެއްޓިފައި ތިބިކަމަށް ވެސް ބެލެވެއެވެ.

ފަލަސްތީން