ޔޫރޯ 2024 ޗެމްޕިއަންކަން ސްޕެއިންއަށް
ސްޕެއިންއާއި އިންގެލްންޑް ކުޅުނު މެޗުގެ ތެރެއިން
އިންގެލްންޑްގެ އުއްމީދުތައް ފުނޑުކޮށްލާ 1-2 ނަތީޖާއަކުން ސްޕެއިން މެޗު ކާމިޔާބުކޮށްފިއެވެ. ބަލާހިތްވާ ކުޅުމެއް ފެނިގެންދިޔަ މެޗުގެ ފުރަތަމަ ހާފު ނިމިގެންދިޔައީ ދެ ޓީމަށް ގޯލެއް ކާމިޔާބުނުކުރެވިއެވެ.
ދެވަނަ ހާފު ފަށައިގެން މާ ގިނަ އިރުތަކެއް ނުކުޅެވި ސްޕެއިން ގޯލެއް ކާމިޔާބުކުރިއެވެ. މި ގޯލު ކާމިޔާބުކޮށްދިނީ ސްޕެއިންގެ ފޯވާޑް ނިކޮ ވިލިއަމްސްއެވެ.
ގޯލަށްފަހު އިންގްލެންޑުން ބަދަލުތަކެއްކޮށް ސްޕެއިން ފަހަތަށް ޖައްސައި އެޓޭކުތަކެއް ވަރުގަދަ ކުރަން ފެށިއެވެ. ނަތީޖާއެއްގެ ގޮތުން ބެލިންގްހަމް ބައިންދާލަ ދިން ބޯޅައަކުން ބަދަލުކުޅުން ތެރިއަކަށް އެރުވި ކޯލް ޕާމަރ އިންގްލެންޑްއަށް ގޯލު ޖަހައިދީ އުއްމީދު އާކޮށްދިނެވެ.
ނަމަވެސް ސްޕެއިން ޓީމުގެ ކެޕްޓަން މޮރާޓާގެ ބަދަލެއްގެ ގޮތުގައި އެރުވި އޮޔަރޒަބަލް މެޗު ނިމެން ގާތްވެފައި ވަނިކޮށް ގޯލެއް ޖަހައި ނަތީޖާ އަނބުރާލިއެވެ.
ސްޕެއިންވަނީ މުބާރާތުގައި މޮޅު ކުޅުމެއް ދައްކައި ކުޅުނު ހުރިހާ މެޗަކުން މޮޅުވެފައެވެ.
ކޮމެންޓް