މި ދަނީ ރަނގަޅު މިސްރާބަށް، ޙުސްނީ އިންތިހާބު ކުރާނީ ލަންދޫން - މެއްޑޯ

މެއްޑޯ މިރޭގެ ޖަލްސާގައި ވާހަކަފުޅު ދައްކަވަނީ

މި ޤައުމު މި ދަނީ ރަނގަޅު މިސްރާބަށް ކަމަށާއި، މި އިންތިހާބުގެ ވޯޓު ފޮށިން އެކަން ވަރަށް ސާފުކޮށް ފެންނާނެ ކަމަށް މެއްޑޯ ވިދާޅުވެއްޖެއެވެ.

ލަންދޫގައި ސިޔާސީ މަސައްކަތް ކުރުމުގައި ގިނަ ދުވަސްތަކެއް ހޭދަކޮށްފައިވާ އަދި މިހާރުވެސް ސިޔާސީ މަސައްކަތުގައި ހުންނެވި މެއްޑޯ ވިދާޅުވީ، މި އިންތިހާބުގައި ޙުސްނީ ހޮވާނީ ލަންދޫން ކަމަށާއި، ލަންދޫ ބޮޑު އަޣުލަބިއްޔަތެއް ޙުސްނީއަށް ހޯދައިދޭނެ ކަމަށެވެ.

ގިނަ އަދަދެއްގެ ބަޔަކާއެކު ފެށި މި ޖަލްސާ ހިނގަމުންދަނީ މަނަދޫގެ ބަނދަރު ސަރަހައްދުގައެވެ. ރައްޔިތުންގެ މަޖިލީހުގެ އިންތިހާބު އަންނަ އާދިއްތަ ދުވަހު ބޭއްވުމަށް ހަމަޖެހިފައިވާއިރު، ދާއިރާގެ ތިން ރަށުންވެސް ބުނަމުން ދަނީ މި ދާއިރާގެ ގޮނޑި މިފަހަރު ދޭނީ ސަރުކާރަށް ކަމަށެވެ. މަނަދޫ ދާއިރާގައި ހިމެނޭ މާފަރު މަނަދޫ ލަންދޫންވެސް ޙުސްނީއަށް ބޮޑު ތާޢީދެއް އޮތްއިރު، ދާދިފަހުން ވަނީ ލަންދޫ އަދި މާފަރުގައިވެސް ކެމްޕެއިން ބޮޑު ޖަލްސާއެއް ބާއްވާފައެވެ.

ޙުސްނީ އަކީ ޤާނޫނީ ދާއިރާގައި 13 އަހަރުގެ ތަޖުރިބާ ހުރި ޢިލްމީ ޤާބިލް ބޭފުޅެކެވެ. މުޅި ދާއިރާއަށް ޙުސްނީ ވަޢުދުވެލައްވަނީ، ދިވެހީން ސަލާންޖަހަން ނުޖެހޭ ނިޒާމެއް ބިނާ ކުރުމާއި، އެއްވެސް ރައްޔިތެއްގެ ކަމެއްގައި ފަސް ނުޖެހުމާއި، ދިވެހީންނަށް ޖަވާބުދާރީވާނެ މަޖިލީހެއް އުފެއްދުމަށެވެ.

މި އިންތިހާބުގައި ޖުމްލަ 4 ކެނޑިޑޭޓެއް ވާދަކުރައްވާއިރު، އިންތިހާބުގެ ޕްލެޖް ދައްކާގޮތުން ޙުސްނީ އުޅުއްވަނީ މާ ކުރީގައެވެ. މާފަރު ރައްޔިތުން އެންމެ ބޮޑަށް އެދެމުން ދިޔަ އެ ރަށުގެ އިޙްތިޞާ އަނބުރާ އިޢާދަކށްދެއްވުމާއި، މާފަރުގެ ހިއްކި ބިމަށް އިތުރުކޮށްދިން 5 ހެކްޓަރުގެ ބިމާއެކު ރަށޫގެ ރައްޔިތުން ނިންމާފައިވަނީ މި ފަހަރު ޙުސްނީ ނޫން ބޭފުޅަކު ދާއިރާގެ މަޖިލިސް ގޮނޑިއަށް އިންތިހާބު ނުކުރުމަށެވެ. ހަމައެގޮތަށް ލަންދޫ މަނަދޫއަށްވެސް ޑރ މުޙައްމަދު މުޢިއްޒު ވެވަޑައިގެންފައިވާ ވަޢުދުތައް ފުއްދުމުގައި ސާބިތުކަމާއެކު ހުންނަވާނެ ކަމަށް ޙުސްނީ ވަނީ ވަޢުދުވެލައްވާފައެވެ.

ޙުސްނީ