ލ. ހުޅިމެންދޫގައި ހޮޓެލް އިސްކޫލަކާއި ރިސޯޓެއް ގާއިމުކުރުމުގެ އެއްބަސްވުމުގައި ރާއްޖޭގެ ގައުމީ ޔުނިވާސިޓީ (އެމްއެންޔޫ) އިން މޯލްޑިވްސް އެއާޕޯޓް ކޮމްޕެނީ ލިމިޓެޑް (އެމްއޭސީއެލް) އާއެކު އެއްބަސްވުމުގައި ސޮއިކޮށްފި އެވެ.
ރައީސް ޑރ. މުހައްމަދު މުއިއްޒު ލ. އަތޮޅަށް ކުރައްވާ ދަތުރުފުޅުގެ ތެރެއިން މިއަދު ހެނދުނު މާމެންދޫ ރައްޔިތުންނާ ބައްދަލުކުރެއްވުމަށް ބޭއްވި ޖަލްސާގެ ތެރެއިން އެއްބަސްވުމުގައި އެމްއޭސީއެލްގެ ފަރާތުން ސޮއިކުރެއްވީ ކުންފުނީގެ ސީއީއޯ އަދި މެނޭޖިން ޑިރެކްޓަރު އިބްރާހީމް ޝަރީފް މުހައްމަދު އެވެ. އެމްއެންޔޫގެ ފަރާތުން ޑެޕިއުޓީ ވައިސް ޗާންސެލާ ރަހީމާ އަބްދުއްރަހީމެވެ.
ފަތުރުވެރިކަމުގެ ދާއިރާއިން މީހުން ބިނާކުރުމަށް ޓަކައި ހޮޓެލް އިސްކޫލެއް ތަރައްގީކުރުމަކީ ރައީސް ޑރ. މުހައްމަދު މުއިއްޒުގެ ވައުދެކެވެ.
މިއަދުގެ ޖަލްސާގައި ރައީސް ވިދާޅުވީ ހުޅިމެންދޫގައި ތަރައްގީކުރާ ހޮޓެލް އިސްކޫލަކީ މުޅި ރާއްޖޭގެ ފަތުރުވެރިކަން ކުރިއެރުވުމަށް ޓަކައި ސަރުކާރުން އަޅާ މުހިއްމު ފިޔަވަޅެއް ކަމަށެވެ.
ކޮމެންޓް