ލ. މާބައިދޫގައި ގާއިމުކުރާ އައިސްޕްލާންޓާއި އައިސް ސްޓޯރޭޖް ފެސިލިޓީ ގާއިމުކުރުމުގެ މަޝްރޫއުގެ އަމަލީ މަސައްކަތް ފެށުމުގެ ރަސްމިއްޔާތު މިއަދު ބާއްވައިފި އެވެ.
މި މަޝްރޫއުގެ އަމަލީ މަސައްކަތްފެށީ ރައީސް ޑރ. މުހައްމަދު މުއިއްޒު ލ. އަތޮޅަށް މިހާރު ކުރައްވަމުންގެންދަވާ ދަތުރުފުޅުގައި މާބައިދޫގައި ބޭއްވި ރަސްމިއްޔަތުގަ އެވެ.
މި މަޝްރޫއަކީ އިންޑިއަން ހައި އިމްޕެކްޓް ކޮމިއުނިޓީ ޑިވެލޮޕްމަންޓް ޕްރޮޖެކްޓް (އެޗްއައިސީޑީޕީ) ފަންޑުގެ އެހީގައި ކުރިއަށްގެންދާ މަޝްރޫއެކެވެ. މަޝްރޫއުގައި މަބައިދޫގައި ގާއިމުކުރަނީ 25 ޓަނުގެ އައިސްޕްލާންޓާއި 50 ޓަނުގެ އައިސް ސްޓޯރޭޖް ފެސިލިޓީ އެކެވެ.
ރައީސް ޑރ. މުއިއްޒު ލ އަތޮޅަށް ކުރައްވާ ދަތުރުފުޅުގެ ތެރެއިން އެ އަތޮޅު މާވަށުގައްޔާއި ހިތަދޫގައި ވެސް އައިސްޕްލާންޓު ގާއިމުކުރުމުގެ މަސައްކަތްވަނީ ފަށާފަ އެވެ.
ރާއްޖޭގެ އެކި ރަށްރަށުގައި ގާއިމުކުރާ އައިސްޕްލާންޓުތައް ކުރިއަށް އޮތް ދެ އަހަރު ދުވަހުގެ ތެރޭގައި ނިންމުމަށް ސަރުކާރުންވަނީ އަމާޒުހިފާފަ އެވެ.
ކޮމެންޓް