ފުލުހުން ބުނީ މިއަދު ފުރަތަމަ އެކްސިޑެންޓް ހިނގާފައިވަނީ ހެނދުނު 8:13 ހާއިރު ހިޔާ ފްލެޓްގެ ފަސްވަނަ ޓަވަރު ކައިރިން މެވެ މި އެކްސިޑެންޓް ހިނގީ އެ ޓަވަރު ކައިރިން ކާރަކާއި ސައިކަލެއް ޖެހި ސައިކަލް ކޮންޓްރޯލް ނުވެ ގޮސް އެހެން ކާރެއްގައި ޖެހިގެން ކަމަށް ފުލުހުން ވަނީ ބުނެފަ އެވެ.މި އެކްސިޑެންޓް ހިނގި ސަރަހައްދުގައި ވަރަށް ގިނަ އަދަދަކަށް ލޭ ހުއްޓެވެ. އެކްސިޑެންޓްގައި އަނިޔާލިބުނު ކުއްޖާގެ ބޮލަށް ވަރަށްބޮޑަށް ވަނީ އަނިޔާވެފައެވެ.

ދެވަނަ ފިޔަވަހީގައި މިއަދު ދެވަނަ އެކްސިޑެންޓް ހިނގާފައިވަނީ ހެނދުނު 9:45 ހާއިރު އަހިވާގޮފި ކައިރީގައި ދެ ސައިކަލެއް ޖެހިގެން ކަމަށް ފުލުހުން ބުނެއެވެ.ފުލުހުން ބުނެފައި ވާގޮތުން އެ އެކްސިޑެންޓްގައި ސައިކަލު ދުއްވި ދެ މީހުނަށް އަނިޔާވެގެން ދަނީ މިހާރު ހުޅުމާލެ ހޮސްޕިޓަލްގައި ފަރުވާދެންނެވެ.

އެތަނުން އެއް ސައިކަލު ދުއްވީ 21 އަހަރުގެ ފިރިހެނެއް ކަމަށާއި އޭނާގެ އަތުގައި ވެސް ސައިކަލު ދުއްވުމުގެ ލައިސެންސް ނެތް ކަމަށް ފުލުހުން ބުންޏެވެ.ނަމަވެސް އަނެއް ސައިކަލު ދުއްވި 33 އަހަރުގެ ދިވެހި އަންހެން މިހާގެ އަތުގައި ލައިސެންސް އޮތް ކަމަށް ފުލުހުން ވަނީ ބުނެފަ އެވެ

މި ދެ މައްސަލަ އިތުރަށް ތަހުގީގު ކުރަމުންދާ ކަމަށް ފުލުހުން ވަނީ ވިދާޅުވެފަ އެވެ