މަސްތުވާތަކެތި ބޭނުންކޮށް ގެންގުޅެ، އެތަކެތީގެ ވިޔަފާރި ކުރަމުންދިޔަ ބިދޭސީ ފިރިހެނަކު ހައްޔަރުކޮށްފިއެވެ.

މާފަންނު އޭސިއާ ގެސްޓުހައުސްގައި މަސައްކަތް ކުރަމުންދިޔަ ބަންގްލަދޭޝް އަށް ނިސްބަތްވާ އެމްޑީ ސޮހަބް މިއާ 34އ، ހައްޔަރުކުރީ މަސްތުވާތަކެއްޗާއެކުއެވެ.

ސޮހަބް ހައްޔަރުކޮށް ބަންދާމެދު ގޮތެއް ނިންމުމަށް ކުރިމިނަލް ކޯޓަށް ހާޒިރުކުރުމުން އެ ކޯޓުން ވަނީ އޭނާގެ ބަންދަށް 15 ދުވަސް ޖަހައިފައެވެ.

ކޯޓު އަމުރުގައިވާ ގޮތުން ސޮހަބް ގެންގުޅުނު ލެޕްޓޮޕް ދަބަހަކުން ގިނަ އަދަދެއްގެ މަސްތުވާތަކެތި ވަނީ ފެނިފައެވެ. އަދި އެއާ ބެހޭ ގޮތުން ސުވާލު ކުރުމުން އެއީ ސޮހަބް ބޯން ގެންގުޅޭ އެއްޗެއް ކަމަށް ބުނެފައިވާ ކަމަށްވެސް އަމުރުގައިވެއެވެ.

މީގެ އިތުރުން އޭނާ އާ އެކު ކޮންޓްރޯލް ޑެލިވަރީއަށް ކުރަން އެދުމުން ތަކުރާރުކޮށް އެއީ އޭނާގެ އެއްޗެހި ބުނެފައިވާ ކަމަށްވެއެވެ.

އޭނާއަކީ ގަވާއިދާ އެއްގޮތަށް އުޅޭ ކުށުގެ ރެކޯޑެއް ނެތް ބިދޭސީއެކެވެ.

ފަހަކަށް އައިސް މަސްތުވާތަކެތި ގެންގުޅެ ބޭނުންކޮށް އެތަކެތީގެ ވިޔަފާރިކުރަމުންދާ ބިދޭސީންގެ އަދަދު ދަނީ އިތުރުވަމުންނެވެ.