ބަންގްލަދޭޝްގެ ލޭބަރުން ގެނައުމުގެ ލިމިޓު އުވާލަނީ

މިނިސްޓަރ އިޙުސާން

ސަލާމަތީ ފިޔަވަޅުތައް ވަރުގަދަކޮށް، ރާއްޖެއަށް ބަންގްލަދޭޝްގެ ލޭބަރުން ގެނައުމަށް ގާނޫނުން މިހާރު ކަނޑައަޅާފައި އޮތް ލިމިޓު އުވާލަން ރައްޔިތުންގެ މަޖިލީހަށް ހުށަހަޅާނެ ކަމަށް ހޯމްލޭންޑް މިނިސްޓަރު ޢަލީ އިޙްސާން ވިދާޅުވެއްޖެ އެވެ.

މަޖިލީހުގެ ސަލާމަތީ ޚިދުމަތްތަކާ ބެހޭ ކޮމެޓީގައި މިނިސްޓަރު އިއްޔެ ވިދާޅުވީ މި ވަގުތު ރާއްޖޭގައ ލޭބަރުންނަށް އޮތް ޑިމާންޑާއި ކުރިއަށް އޮތް ތަނަށް އަންދާޒާ ކުރެވޭ ޑިމާންޑަށް ބަލާއިރުގައި، ބަންގްލަދޭޝްގެ 100،000 ލޭބަރުންގެ ލިމިޓަކީ އުވާލަން ޖެހޭ ނިންމުމެއް ކަމަށް ދެކެވަޑައިގަންނަވާ ކަމަށެވެ. ނަމަވެސް އެ ލިމިޓު އުވާލަން ވާނީ އިތުރު ފިޔަވަޅުތަކެއް އެޅުމަށް ފަހު ކަމަށް ވިދާޅުވި އެވެ.

"އެހެން ނޫން ނަމަ އެއީ ކުރަން ރަނގަޅު ކަމެއް ނޫން." އިހުސާން ވިދާޅުވި އެވެ.

ބަންގްލަދޭޝް ލޭބަރުންގެ ލިމިޓު އުވާލުން ބަރޯސާވަނީ ދެ ކަމަކަށްކަން ކަމަށް މިނިސްޓަރު ފާހަގަކުރެއްވި އެވެ. ފާހަގަކުރައްވާ އަދި ކުރިއަށް އޮތް ތިން ހަފުތާގެ ތެރޭގައި އެކަންކަން ނިންމަވާނެ ކަމަށް ވެސް ވިދާޅުވެފަ އެވެ.

ރާއްޖޭގައި ގިނަ އަދަދެއްގފެ ބިދޭސީ މަސައްކަތްތެރިން ހަރަކާތްތެރިވާ އިރު، މީގެ ތެރޭގައި އެންމެ ގިނައީ ބަންގްލަދޭޝް މީހުންނެވެ. އަދި ރާއްޖޭގައި ގަވާއިދާ ހިލާފަށް ގިނަ އަދަދެއްގެ ބިދޭސީން އުޅެމުންދާތީ އެކަން ހައްލު ކުރުމަށްޓަކައި ސަރުކާރުން މިހާރު އަންނަނީ "ކުރަނގި" ގެ ނަމުގައި އޮޕަރޭޝަނެއް ވެސް ހިންގަމުންނެވެ.

---