ރައީސުލްޖުމްހޫރިއްޔާ، އެމެރިކާގެ ރައީސަށް ހަމްދަރުދީ ފޮނުއްވައިފި

ރައީސް ޑރ. މުޙައްމަދު މުއިއްޒު: ފޮޓޯ/ ރައީސް އޮފީސް

އެމެރިކާގެ ޓެކްސަސްގެ ބައެއް ސަރަހައްދުތަކުގައި ފެންބޮޑުވުމުގެ ސަބަބުން އެތައް ބައެއްގެ ފުރާނަ ގެއްލި، ބޮޑެތި ގެއްލުންތައް ލިބުމާ ގުޅިގެން އެމެރިކާގެ ރައީސް، ޑޮނަލްޑް ޖޭ ޓްރަމްޕަށް،ރައީސުލްޖުމްހޫރިއްޔާ ޑރ. މުޙައްމަދު މުއިއްޒު ހަމްދަރުދީ ފޮނުއްވައިފި އެވެ.

ރައީސް ފޮނުއްވި މެސެޖުގައި، މި ހިތާމަވެރި ހަދިސާއާ ގުޅިގެން ހިތާމަފާޅު ކުރައްވައި، މި ހާދިސާގައި މަރުވި މީހުންގެ އާއިލާތަކަށާއި، ހާލުގައި ޖެހުނު އެންމެހައި ފަރާތްތަކަށް، ދިވެހި ސަރުކާރާއި ރައްޔިތުންގެ ނަމުގައި ތައުޒިޔާ ވިދާޅުވެ، ހަމްދަރުދީ ފޮނުއްވާފައިވެ އެވެ.

މީހުން ސަލާމަތް ކުރުމަށާއި، ހާލުގައި ޖެހިފައިވާ މީހުންނަށް އެހީފޯރު ކޮށްދިނުމަށް މިހާރު ކުރަމުންދާ މަސައްކަތް ތަކަށް ކާމިޔާބަށް އެދިވަޑައިގެން، މި ހާދިސާގެ އަސަރުކުރި ފަރާތްތަކަށް، އަވަސް ފުރުސަތެއްގައި ކުރީގެ ދިރިއުޅުން އިއާދަ ކުރެވޭނެ ކަމަށް އުންމީދު ކުރައްވާ ކަމަށް ވެސް ރައީސްގެ މެސެޖުގައި ވަނީ ވިދާޅުވެފަ އެވެ.

ރައީސް ޑރ މުޢިއްޒު އެމެރިކާ