ގްރީން ގޭގެ ސެކިއުރިޓީ ބަލަހައްޓަން ބަޔަކު ހޯދަނީ

ނޭޝަނަލް ޑުރަގު އެޖެންސީ ހިންގަމުން އަންނަ ގ. ގްރީންގެ: ފޮޓޯ/ މިހާރު

ގ. ގްރީންގޭ ސެކިއުރިޓީ ބަލަހައްޓައިދޭނެ ބަޔަކު ހޯދުމަށް ނޭޝަނަލް ޑުރަގު އޭޖެންސީން އިއުލާން ކޮށްފި އެވެ.

އެންޑީއޭއިން މިއަދު ގެޒެޓްކުރި އިއުލާންގައި ބުނަނީ އެ އޭޖެންސީގެ ބައެއް ސެކްޝަން އަދި ސެންޓަރުތައް ހިންގަމުން ގެންދާ ގ. ގްރީންގޭ ސެކިއުރިޓީ ހިދުމަތް އަހަރު ދުވަހުގެ މުއްދަތަށް ބަލަހައްޓައިދޭނެ ފަރާތެއް ހޯދުމަށް ބޭނުންވާ ކަމަށެވެ.

މި މަސައްކަތް ކުރުމަށް ޝައުގުވެރިވާ ފަރާތްތަކުން މިއަދުން ފެށިގެން މި މަހުގެ 19 ވާ ހޮނިހިރު ދުވަހުގެ މެންދުރުފަހު 13:00 ގެ ކުރިން ރެޖިސްޓްރޭޝަން ފޯމް ފުރުމަށްފަހު، tender@nda.gov.mv އަށް އީމެއިލް ކުރުމަށް އެންޑީއޭއީން އެދިފައިވެ އެވެ.

މި ބީލަމުގެ މައުލޫމާތު ދިނުމުގެ ސެޝަން ބާއްވާނީ މި މަހުގެ 14 ވަނަ ދުވަހު، ނޭޝަނަލް ޑުރަގު އޭޖެންސީގެ ހެޑް އޮފީހުގައި ހެނދުނު 10 ޖަހާއިރު އެވެ.

ބީލަން ހުށަހެޅުމުގެ ބައްދަލުވުން ބާއްވަން ނިންމާފައިވަނީ މިމަހުގެ 20 ވަނަ ދުވަހުގެ ހެނދުނު 9 ޖަހާއިރެވެ.

ނޭޝަނަލް ޑްރަގް އޭޖެންސީ (އެންޑީއޭ)