އިއްޔެ ނ. ވަވަތިއަށް ޑިންގީއެއްގައި ލެއްގި މީހުންނަކީ ކަނޑުމަތީގައި ހާލުގައިޖެހި ބެހިގެން އާދެވުނު ބައެއް ކަމަށް ފުލުހުން ބުނެފިއެވެ.

ސޯމާލިއާއަށް ނިސްބަތްވާ 3 މީހުން ތިބި ޑިންގީއެއް ނ. ވަވަތިއަށް އިއްޔެ ލެއްގިއިރު، ފުލުހުން މިއަދު ބުނެފައިވަނީ އެމީހުންނަކީ ކަނޑުމަތީގައި ހާލުގައިޖެހި ބެހިގެން އާދެވުނު ބައެއްކަން މިހާތަނަށް ބެލިބެލުމުން އެނގިފައިވާ ކަމަށެވެ.

އެ ތިން މީހުން ހުޅުދޫއަށް ގެންގޮސް ކައުންސިލްގެ އެހީތެރިކަމާއެކު ވަގުތީގޮތުން އެމީހުންނަށް ބޯހިޔާވަހިކަން ފޯރުކޮށްދީފައިވާ ކަމަށްވެސް ފުލުހުން މައުލޫމާތުދެއެވެ.

ސޯމާލިއާ 3 މީހުންނާއެކު ޑިންގީ ލެއްގި ނ. ވަވަތިއަކީ ދަނޑުވެރިކަން ކުރަން ދޫކޮށްފައި އޮންނަ ރަށެކެވެ.