ޖަލުތަކުގެ ރިހެބިލިޓޭޝަން ޕްރޮގްރާމްތައް ހަރުދަނާ ކުރަން ޓްރޭނިންއެއް ބާއްވައިފި

ޖަލުތަކުގެ ރިހެބިލިޓޭޝަން ޕްރޮގްރާމްތައް ހަރުދަނާ ކުރަން ބޭއްވި ޓްރޭނިންގެ ބައިވެރިއަކަށް ސެޓްފިކެޓް ދެނީ —

ޖަލުތަކުގެ ރިހެބިލިޓޭޝަން ޕްރޮގްރާމްތައް ހަރުދަނާ ކުރުމަށް ޓްރޭނިން ޕްރޮގްރާމް ހިންގައިފި އެވެ.

"އެންހޭންސިން ދަ ރޯލް އޮފް ޕްރިޒަން އޮފިސާސް އިން އޮފެންޑާ ރިހެބިލިޓޭޝަން" ޓްރޭނިންގެ ނަމުގައި ހިންގި މި ޕްރޮގްރާމަކީ މޯލްޑިވްސް ކަރެކްޝަނަލް ސާވިސް (އެމްސީއެސް) ގެ ފަރާތުން ޖަލުތަކުގައި ގައިދީންނަށް ރިހެބިލިޓޭޝަން ޕްރޮގްރާމް ހިންގުމުގައި ހަރަކާތްތެރިވާ އޮފިސަރުންނަށް ހާއްސަކޮށްގެން ކުރިއަށް ގެންދިޔަ ޕްރޮގްރާމެކެވެ.

މިމަހުގެ 18 އިން 19 އަށް ހިންގި މި ޓްރޭނިން ޕްރޮގްރާމްގައި ކަރެކްޝަންގެ ތިން ޖަލާއި ހެޑް އޮފީހުގެ އޮފިސަރުން ހިމެނޭ ގޮތަށް ޖުމުލަ 16 ބައިވެރިން ހިމެނެ އެވެ.

ކަރެކްޝަނުން ބުނީ ގައިދީން އިސްލާހު ކުރުމަށް ޖަލުތަކުގައި ހިންގާ ރިހެބިލިޓޭޝަން ޕްރޮގްރާމްތައް މިހާރަށްވުރެ، ހަރުދަނާކޮށް، އެ ފަދަ ޓްރޭނިން ޕްރޮގްރާމްތައް ހިންގުމުގައި ހަރަކާތްތެރިވާ އޮފިސަރުންނަށް ރިހެބިލިޓޭޝަންގެ ޒަމާނީ އުކުޅުތައް ދަސްކޮށްދީ، އެ އޮފިސަރުންގެ ގާބިލިއްޔަތުކަން ކުރިއެރުވުމަކީ މި ޓްރޭނިން ޕްރޮގްރާމްގެ މައިގަނޑު މަގުސަދު ކަމަށެވެ.

މި ޓްރޭނިން ޕްރޮގްރާމްގެ ބައިވެރީންނަށް ސެޓްފިކެޓް ހަވާލު ކޮށްދެއްވީ ކޮމިޝަނާ އޮފް ޕްރިޒަންސް ހަސަން ޒަރީރު އެވެ.

ކަރެކްޝަން ސާރވިސް