ދިވެހި ހުރިހާ ހައްޖުވެރީން ރާއްޖެ އަތުވެއްޖެ

ދިވެހި ހައްޖުވެރީންގެ ހަތަރު ވަނަ ގުރޫޕް ރާއްޖެ އައުން: ފޮޓޯ/ އިސްލާމިކް މިނިސްޓްރީ

ރާއްޖެއިން މިއަހަރު ހައްޖަށް ދިޔަ ހުރިހާ ހައްޖުވެރީން ރާއްޖެ އަތުވެއްޖެ އެވެ.

ހައްޖާޖީންގެ ފަހު ގުރޫޕް ރާއްޖެ އައިސްފައި ވަނީ ރޭގެ ވަގުތެއްގަ އެވެ.

ހައްޖުވެރީންގެ ފުރަތަމަ ގުރޫޕް ރާއްޖެ އައީ މިމަހުގެ 13 ވަނަ ދުވަހެވެ. ދެވަނަ ގުރޫޕް މިމަހުގެ 14 ވަނަ ދުވަހު ރާއްޖެ އައިއިރު، ތިންވަނަ ގުރޫޕް އައީ މިމަހުގެ 16 ވަނަ ދުވަހެވެ.

މިއަހަރަކީ ރާއްޖޭގެ ހައްޖުވެރީންގެ ތާރީހުގައި ބޮޑެތި ބަދަލުތަކެއް ގެނެވުނު އަހަރެކެވެ.

އެގޮތުން ހައްޖުވެރީން މުޅިން އަލަށް މައްކާ ރޫޓު އިނީޝިއޭޓިވްގެ ދަށުން ދަތުރުކުރިއިރު، މިނާ އަދި އަރަފާތުގައި ދިވެހި ހައްޖުވެރީން ތިބޭ ފޭލިގެތަކުގެ ފެންވަރުވެސް ވަނީ މަތިކޮށްފަ އެވެ.

ދިވެހި ހުރިހާ ހައްޖުވެރީން އެނބުރި އައިސްފައިވާއިރު ހައްޖުގެ ކަންކަން ގޮސްފައިވަނީ ވަރަށް ފަސޭހަކަމާއެކުކަން ފާހަގަކޮށްލެވެ އެވެ.

އިސްލާމިކް މިނިސްޓްރީ