ޘައުރު ހައްޖު އެންޑް އުމްރާ ގުރޫޕުގެ އުމްރާ ދަތުރުތަކަށް ފުރުސަތު ހުޅުވާލައިފި

ޘައުރު ހައްޖު އެންޑް އުމްރާ ގުރޫޕުގެ ހަވާލުގައި ޑިސެމްބަރު އަދި ރަމަޟާން އުމްރާއަށް ދާން ބޭނުންވާ ފަރާތްތަކަށް ރަޖިސްޓްރީ ވުމުގެ ފުރުސަތު މިއަދު ހުޅުވާލައިފި އެވެ.

މި ފުރުސަތުގައި ޖޫން 30، ގެ ކުރިން ރަޖިސްޓްރީ ކުރާ ފަރާތްތަކަށް ހާއްސަ ޕްރޮމޯޝަނެއް ހިންގުމަށް ވަނީ ނިންމާފަ އެވެ.

އެ ކުންފުނީގެ ޑިރެކްޓަރު އަބްދުލް ގާދިރު ހުސައިން ވިދާޅުވި ގޮތުގައި މި ޕްރޮމޯޝަންގެ ދަށުން، ޑިސެމްބަރު މަހުގެ 15 ދުވަހުގެ އުމްރާ ދަތުރު 25,500 ރުފިޔާއަށް ލިބޭނެ އެވެ. އަދި މުޅި ރަމަޟާން މަހާއި ޝައްވާލް މަހުގެ ހަ ރޯދަ ހިމެނޭ ގޮތަށް 42,500 ރުފިޔާއަށް ދަތުރު ކުރެވޭނެ އެވެ.

މީގެ އިތުރުން، ރަމަޟާން މަހުގެ ފަހު 15 ދުވަހާއި ޝައްވާލް މަހުގެ ހަ ރޯދަ ހިމެނޭ ދަތުރު 38,000 ރުފިޔާއަށް ލިބެން ހުންނާނެ ކަމަށް އޭނާ ވިދާޅުވި އެވެ.

ގާދިރު، އިތުރަށް ވިދާޅުވި ގޮތުގައި، ޑިސެމްބަރު އުމްރާ އަށް ޖުލައި މަހުގެ ކުރިން އަދި ރަމަޟާން އުމްރާ އަށް އޯގަސްޓް މަހުގެ ކުރިން ރަޖިސްޓްރީ ކުރާ ފަރާތްތަކަށްވެސް ހާއްސަ ޑިސްކައުންޓެއް ލިބޭނެ އެވެ.

ޘައުރު ހައްޖު އެންޑް އުމްރާގެ ހިދުމަތްތަކުގެ ތެރޭގައި ފަސް އުމްރާ ކުރުމުގެ ފުރުސަތު، ދެކޮޅު ޓިކެޓް، ސައުދީ ވިސާ، މައްކާ، މަދީނާ އަދި ޠާއިފް ޒިޔާރަތް، ދިވެހި ކެއުން، މައްކާ އަދި މަދީނާގައި ހުރުން، ފިރިހެން ބޭފުޅުންނަށް އިހުރާމް އަދި އަންހެން ބޭފުޅުންނަށް ބުރުގާ ބެޖް، ދަތުރު ކާޑު، ދަތުރާ ބެހޭ ލުއި ފޮތް އަދި ދަތުރުގެ ބައްދަލުވުން ހިމެނެ އެވެ.

އޭގެ އިތުރުން ޠާއިފް ދަތުރު ހިލޭ ލިބޭނެ ކަމަށް ވެސް އެ ކުންފުނިން ވަނީ އިއުލާން ކޮށްފައެވެ.

ޘައުރު ހައްޖު އެންޑް އުމްރާ އަކީ ތަޖުރިބާކާރު އުމްރާ ޓީމެއް ކަމަށާއި، ރާއްޖޭގެ މަޝްހޫރު އިލްމުވެރިންނާ އެކު މަސައްކަތް ކުރާ ކުންފުންޏެއްކަން އަބްދުލް ގާދިރު ފާހަގަ ކުރެއްވި އެވެ.

މި ދަތުރު ތަކާބެހޭ އިތުރު މައުލޫމާތު ހޯދުމަށް 7948843 ނަންބަރާ ގުޅުމަށް އެކުންފުނިން އެދިވައިވެ އެވެ.