ރާއްޖޭގެ އުތުރުގައި އެންމެ ދުވަސްވީ އެއް ފުޓުބޯޅަ މުބާރާތް، މަައިކަޕްގެ ޓައިޓަލް ސްޕޮންސަރޝިޕް އެއްބަސްވުމުގަައިި އިިހަވަންދޫގައިި ހިންގަމުން އަންނަ ވިޔަފާރިއެއްކަމުގައިިވާ ބިއުޓިފުލް ބްލޫ އިން ސޮއިކޮށްފިއެވެ.

މަައިިކަޕް އިންތިޒާމު ކުރާ ފަރާތް، ކުލަބު ޕޯލްސްޓާރގެ ފަރާތުން މި އެއްބަސްވުމުގައި ސޮއިކުރެއްވީ އެ ކުލަބުގެ ރައީސް މުޙައްމަދު ޝުޖާއެވެ. ބިއުޓިފުލް ބުލޫގެ ފަރާތުން ސޮއިކުރެއްވީ ފިހާރައިިގެ އޯނަރ މުޙައްމަދު ޔާމީންއެވެ.

މައިކަޕްގެ 14 ވަނަ މުބަރާތް މިރޭ ރަސްމީިކޮށް އިއުލާންކޮށްފައިވާއިރު މިއީ ހއ،ހދ މި ދެ އަތޮޅަށް ހުޅުވާލައިިގެން ބާއްވާ އެންމެ ދުވަސްވީ އަދިި އެންމެ އަގުބޮޑު މުބާރާތެވެ. 4 އަހަރުގެ މެދު ކެނޑުމަކަށްފަހު މި މުބާރާތް މިއަހަރު އަލުން ބާއްވާއިރު މުބާރާތުގެ ޗެމްޕިއަން ޓީމަަށް 100،000 ރުފިޔާގެ ފައިސާގެ އިނާމެއް ދިިނުމަށް ވަނީ ނިންމާފައެވެ. އަދި ރަނަރަޕް ޓީމަަށް 35،000 ރުފިޔާ ދިނުމަށް ވަނީ ނިންމާފައެވެ.

މި މުބާރާތް ހާއްޞަކޮށްފައިވަނީ ހއ އަދި ހދ މި ދެ އަތޮޅުގެ ހުރިހާ ކުލަބު ޖަމްޢިއްޔާތަކަށާއި، މުއައްސަސާތަކަށާއި ކުންފުނި ތަކަށެވެ. މީގެ އިތުރުން އިހަވަންދޫއަށް ނިޞްބަތްވާ ކޮންމެ ޓީމަކަށްވެސް މި މުބަރާތުގައިި ބައިވެރިވެވޭނެއެވެ.

މިއީ ޒުވާނުންްގެ އެންމެ މަޤުބޫލު ފުޓުބޯޅަ މުބާރާތް. އެންމެ ގިނަ ބަޔަކު އިންތިޒާރު ކުރަމުން އަންނަ މުބާރާތް. މިއަހަރުގެ އިންތިޒާމުތައް ބޮޑުތަނުން ރަނގަޅުވާނެ - ޕޯލްސްޓާރގެ ރައީސް ޝުޖާޢު ވިދާޅުވިއެވެ.

މުބާރާތުގަައި ބައިވެރިވާ ކޮންމެ ޓީމަކަށް ޓައިޓަލް ސްޕޮންސާރގެ ފަރާތުން 2000 ރުފިޔާގެ ފައިސާގެ އެހީއެއްވެސް ދިނުމަށް ވަނީ ހަމަޖެހިފައެވެ.

މައިކަޕް މުބާރާތަކީ އިހަވަންދޫ ދާއިރާގެ ކުރީގެ މެމްބަރު މުހައްމަދު ޢަބްދުالله (މުޙައްމާ) ގެ އިސްނެގުމަކަށް ބާއްވަމުން އަންނަ މުބާރާތެކެވެ.