އިޒުރޭލުން އީރާނަށް ދިން ހަމަލާ ރައީސް ޑރ. މުއިއްޒު ކުށްވެރި ކުރައްވައިފި

ރައީސް މުއިއްޒު ޕީއެސްއެމަށް އިންޓަވިއުއެއް ދެއްވަނީ: ފޮޓޯ/ ރައީސް އޮފީސް

އިޒުރޭލުން އީރާނުގެ ނިއުކްލިއަ މަރުކަޒުތަކާއި، އަސްކަރީ މަރުކަޒުތަކަށް ދިން ނުރައްކާތެރި ހަމަލާ ރައީސް ޑރ. މުޙައްމަދު މުއިއްޒު ހަރުކަށި އިބާރާތުން ކުށްވެރި ކުރައްވައިފި އެވެ.

އިސްރާއީލުން ރޭ ވަނީ އީރާނުގެ އަށް ސަރަހައްދަކަށް، މުޅިއެކު ފަސް ފަހަރެއްގެ މަތިން ހަމަލާ ދީފަ އެވެ.

ޔަހޫދީންގެ މި ހަމަލާތަކުގައި އީރާންގެ އަސްކަރިއްޔާގެ ވެރިޔާ، މޭޖާ ޖެނެރަލް މުޙައްމަދު ބާގިރީ އާއި އައިއާރުޖީސީގެ އިސް ކޮމާންޑާ ޖެނެރަލް ހުސައިން ސަލާމީ އާއި އެ ގައުމުގެ އަސްކަރިއްޔާގެ މައި މަރުކަޒުގެ ވެރިޔާ ޖެނެރަލް ގުލާމް އަލީ ރަޝީދު މަރާލާފައިވެ އެވެ.

މެދުއިރުމަތީގެ ނުތަނަވަސްކަން އިތުރުވަމުންދާ މި ދަނޑިވަޅުގައި، ރައީސް ކުރެއްވި އެކްސް ޕޯސްޓެއްގައި ވިދާޅުވީ މިފަދަ ހަމަލާތައް ތަކުރާރު ވުމަކީ، ހަމައެކަނި އީރާނަށް އޮތް ބިރެއް ނޫން ކަމަށެވެ. އޭގެ ބަދަލުގައި އަވަށްޓެރި ގައުމުތަކަށާއި، ބައިނަލްއަގުވާމީ މުޖުތަމައަށް ވެސް އޭގެ ނޭދެވޭ އަސަރުތައް ކުރާނެ ކަމުގައި އެ މަނިކުފާނު ފާހަގަ ކުރެއްވި އެވެ.

ރައީސްގެ މެސެޖުގައި ވަނީ މިކަމުގައި ބައިނަލްއަގުވާމީ މުޖުތަމައުން އަވަސް ފިޔަވަޅުތަކެއް އެޅުމަށް އިލްތިމާސް ކުރައްވާފަ އެވެ.

ރައީސް ޑރ މުޢިއްޒު