އެއާ އިންޑިއާގެ ފުލައިޓެއް ވެއްޓުމުން ރައީސް މުއިއްޒު ހިތާމަ ފާޅުކުރައްވައިފި

ރައީސް ޑރ. މުޙައްމަދު މުއިއްޒު: ފޮޓޯ/ ރައީސް އޮފީސް

އިންޑިއާގެ އަހްމަދުއާބާދުގައި މިއަދު އެއާ އިންޑިއާގެ ފްލައިޓެއް ވެއްޓި، ހިނގި ހާދިސާއާ ގުޅިގެން ރައީސުލްޖުމްހޫރިއްޔާ ޑރ. މުޙައްމަދު މުއިއްޒު، ހިތާމަ ފާޅު ކުރައްވައިފި އެވެ.

އެއާ އިންޑިއާގެ މަތިންދާބޯޓު، އޭއައި 171 ފުލައިޓު ފުރިތާ ކުޑައިރުކޮޅެއްގެ ތެރޭގައި ގުޖަރާތުގެ އަހުމަދުއާބާދުގެ މީހުން އުޅޭ ސަރަހައްދަކަށް ވަނީ ވެއްޓިފަ އެވެ. ވެއްޓުނު އެ ބޯޓުގައި 230 ފަސިންޖަރުންގެ އިތުރުން 12 ކްރޫން ތިއްބެވެ. އޭގެ ތެރޭގައި 11 ކުދީން ހިމެނެ އެވެ.

މި ހާދިސާއާ ގުޅިގެން ރައީސް ފޮނުއްވެވި ހަމްދަރުދީގެ މެސެޖުގައި ދިވެހި ސަރުކާރާއި ރައްޔިތުން، މި ހިތާމައިގައި ބައިވެރިވާކަން ހާމަކުރައްވާފައިވެ އެވެ.

އިންޑިއާގެ އަހުމަދުއާބާދުން ލަންޑަނަށް ދަތުރުކުރަމުންދިޔަ އެއާ އިންޑިއާގެ އެ ފުލައިޓުގައި މުޅިއެކު ދަތުރު ކުރީ 242 ފަސިންޖަރުންނެވެ.

ރައީސް ޑރ މުޢިއްޒު