ޝެއިހް ފަރީދުގެ މައްޗަށް މުޅި ރާއްޖޭގައި ހުކުރު ދުވަހު ކަށުނަމާދު ކުރަނީ

ޝެއިހް ފަރީދު --

އިސްލާމީ ދައުވަތު ފެތުރުމުގެ ދިގު ތާރީހެއް އޮތް ޝެއިހް އިބްރާހިމް ފަރީދު އަހުމަދުގެ މައްޗަށް މުޅި ރާއްޖޭގައި އަންނަ ހުކުރު ދުވަހު ގައިބަށް ކަށުނަމާދު ކުރަން އިސްލާމިކް މިނިސްޓްރީން ނިންމައިފި އެވެ.

އިސްލާމިކް މިނިސްޓްރީން ބުނީ އިބްރާހީމް ފަރީދުގެ މައްޗަށް އަންނަ ހުކުރު ދުވަހުގެ ހުކުރު ނަމާދަށް ފަހު، މާލޭގެ އިތުރުން މުޅި ރާއްޖޭގެ ހުރިހައި ރަށެއްގައި ހުކުރު ކުރާ މިސްކިތްތަކުގައި ގައިބަށް ކަށު ނަމާދު ކުރުމަށް ހަމަޖެހިފައިވާ ކަމަށެވެ. އެހެންކަމުން ރަށްރަށު ކައުންސިލްތަކާއި އިމާމުން މި ކަމަށް ސަމާލުވުމަށް މިނިސްޓްރީން ވަނީ އެ ފަރާތްކަށް އަންގާފަ އެވެ.

އިސްލާމިކް މިނިސްޓަރު ޑރ. މުޙައްމަދު ޝަހީމް އަލީ ސައީދު، ވިދާޅުވީ ޝެއިހް ފަރީދުގެ ޖަނާޒާގެ ކަންކަން މެލޭޝިޔާގައި ކުރިއަށް ގެންދަން އާއިލާއިން ނިންމަވާފައިވާތީވެ، ޝެއިހުގެ މައްޗަށް ރާއްޖޭގައި ގައިބަށް ކަށު ނަމާދު ކުރުމާމެދު ވަރަށް ގިނަ ފަރާތްތަކުން އެދެމުން އަންނަ ކަމަށެވެ.

އެހެންކަމުން މި ހަފްތާގެ ހުކުރު ދުވަހުގެކުރިން މެލޭޝިޔާގައި ވަޅުލައިފި ނަމަ، ހުކުރު ދުވަހު ހުކުރު ނަމާދަށް ފަހު، ރާއްޖޭގެ ހުކުރު ކުރާ ހުރިހައި މިސްކިތެއްގައި ފަރީދުގެ މައްޗަށް ގައިބަށް ކަށުނަމާދު ކުރާނެ ކަމަށް މިނިސްޓަރު ވިދާޅުވި އެވެ.

ޝެއިހް، ފަރީދު އަވަހާރަވީ ހިދުމަތް ޖަމުއިއްޔާގެ ޓީމަކާއެކު މެލޭޝިޔާއަށް ވަޑައިގެން އެއާޕޯޓުގައި ހުންނަވަނިކޮށެވެ.

އިސްލާމިކް މިނިސްޓްރީ