ހުރިހާ ހައްޖުވެރީން ތިބީ މިނާގައި، ހާލު ރަނގަޅު!

ދިވެހި ހައްޖުވެރީން މިހާރު މިނާއަށް ގޮސްފައިވާ ކަމަށާއި ހުރިހާ ހައްޖުވެރީންގެ ހާލު ވެސް ރަނގަޅު ކަމަށް އިސްލާމިކް މިނިސްޓަރު ޑރ. މުޙައްމަދު ޝަހީމު އަލީ ސައީދު ވިދާޅުވެއްޖެ އެވެ.

މިނިސްޓަރު ވިދާޅުވީ ހައްޖުގެ އެންމެ މުހިއްމު ރުކުންކަމުގައިވާ އަރަފާތުގައި މަޑުކުރުމަށްފަހު ރޭ މުޒުދަލިފާގައި ރޭކުރުމަށްފަހު ދިވެހި ހުރިހާ ހައްޖުވެރީން އެނބުރި މިނާ ފޭލިގެ ތަކަށް މިއަދު ފަތިހުގެ ވަގުތެއްގައި އައިސްފައިވާ ކަމަށެވެ.

"ރާއްޖޭގެ އެންމެހައި ހައްޖުވެރިންގެ ހާލު ރަނގަޅު، ހައްޖުވެރިން މިހާރު ތިބީ މިނާގަ. އެއްވެސް ހައްޖުވެރިޔަކު ގެއްލި ނުވަތަ މަގު އޮޅި މި ފަދަ ކަމެއް މެދުވެރި ވެފައި ނުވޭ،" ޝަހީމް ވިދާޅުވި އެވެ.

ހައްޖުވެރީން މިއަދު މައްކާ ގަޑިން ހެނދުނު 9:30 ޖަމްރާއަށް ހިލަ އުކަން ދިއުމަށް ހަމަޖެހިފައިވާ ކަމަށާއި އަދި އައްޔާމުއްތަޝްރީގުގެ ދުވަސްތަކުގައި މިނާގައި ރޭ ކުރާނެ ކަމަށް ދިވެހި ހައްޖު މިޝަނުން ބުނެފައިވެ އެވެ.

މިއަހަރު ރާއްޖެއިން 1000 މީހުން ވަނީ ހައްޖުގެ މަތިވެރި އަޅުކަން އަދާ ކޮށްފަ އެވެ.

މިނިސްޓަރ ޝަހީމް